Тема: Янги дориларини яратиш. Фармакогнозия фани ва ривожланиш босқичлари. Замонавий дори дармонларни излаш ва ишлаб чикоришда янги технологиялар

Илон заҳаридан тайѐрланган доривор препаратлар
1. Випраксин гадюка (чўл қораилони) заҳрининг сувли глицерин қўшилган эритмаси. Препаратдан трикрезол - (консервант) ни ўзига хос кучсиз хиди келиб туради. Препарат невралгия, полиартрит, миозит касалликларида оғриқ қолдирувчи ва шамолловга қарши восита сифатида, тери остига юбориш учун ампула ҳолида чиқарилади. А -шкафида сақланади.
2. Випралгин - ампулали эритма бўлиб, випраксинга ўхшаш таъсирга эга.
3. Випросал мази - (гюрза) қўлварилоннинг заҳаридан тайѐрланган бўлиб, таркибида камфора, салицил кислотани, қарайғай дарахтини мойи, вазелин, глицерин, эмульгатор ва сув бўялади. Ревматизм, невралгия, миозит ва бошқа касалликларда ишлатилиб, тюбикда - чиқарилади.
4. Випросал В" мази (гадюка) чўл қора илонини заҳаридан олинади.
5. Випротокс ҳар хил илонларнинг заҳаридан олинадиган линимент (Германия).
6. Кобратоксин бронхиал астмани приступини камайтиради. Рак ўсимталарининг ўсишини камайтиради деган фикрлар ҳам бор.


Асалари ишлаб чиқарган маҳсулотлар
Асалари оиласи: “Пошша ари” (она), “ишчи ари” ва “Эркак ари” лардан ташкил топган.
Пашша ари оилада ягона бўлиб, ишчи ари ва эркак арилардан каттароқ бўлади.
Ишчи арилар кичкина ҳартумчалари орқали ўсимлик гулидаги нектарни (ширин суюқлик) сўриб олади. Улар 5 -10 км масофадан гуллардан нектар йиғиб келади. Асаларилар бу ширин суюқликдан асал тайѐрлайдилар. Улар ўз таналаридаги безлардан ишлаб чиққан мумдан уя ясайди ва она арининг тухум қўйиши учун шароит яратиб беради.
Асалари заҳари заҳар ишлаб чиқарувчи безларида тўпланади. Олиш усули: Ғазаблантирилган ари найзаси ѐрдамида фильтр коғозига ѐки юпқа ҳайвон терисига заҳарини юборади. Найзасидан томчи ҳолида заҳар ажралиб чиқади. Битта асаларидан 0,085 мг заҳар олиш мумкин. Асаларининг заҳари баҳор ва ѐз ойларида айниқса кўп бўлади.
Кимѐвий таркиби. Заҳари тиниқ, ҳиди асалга ўхшаш, аччиқ - ўткир мазали, кислотали шароитга эга. Таркибида чумаш, хлорид, ортофосфат кислоталари, магний фосфат, оқсил моддалар, холин, гистамин, триптофан, эфир мойи ва ферментлар бўлади. Асалари заҳари тез қурийди, осон парчаланмайди температура таъсирида, кучли антибиотик хоссага эга.