Tema: Viruslardiń tiykarǵı qásiyetleri, virus saqlawshı material menen islew qaǵıydaları hám qawipsizlik texnikası

2.TEMA: Kesel haywanlardan hám ólikten virus saqlawshı materialdı alıw hám transport quralı arqalı laboratoriyaǵa jiberiw

Laboratoriyada virus keselliklerine anıq diagnoz qoyıwda bárinen burın patologikalıq materialdı tuwrı alıwǵa, laboratoriyaǵa waqıtında jiberiw, virus saqlawshı materialdı tayarlaw sapasına hám tekseriw usılına itıbar beriw kerek.

Kesellengen, ólgen yamasa kózaba óltirilgen haywanlardan tekseriw ushın materialdı, ılajı bolǵanınsha keselliknin' anıq belgileri payda bo'lǵan yamasa klinikalıq ólim, geyde óltirilgennen keyin 2-3 saat aralıǵinda alıw zárúr.
Kesellikten, keyin 1-2 kúnleri ishektiń barerlik roli azayadı bunda qan tamırlarniń ótkezgishligi kúshiyedi hám ishektegi floranin' dissiminatsiyasi júz boladı. Bulardan tısqarı infeksion processdin' dawam etiwi hám ayırım halda tereńlesip ketiwi sebepli hám organizmnin' qorǵaw tásiri nátiyjesinde viruslardiń sanı azayıp ketiwi múmkin.
virustı ajıratıp alıw ushın patmaterial alınǵanda úyrenilip atırǵan infeksiyanin' patogenezi (virusdin' kirisiw dárwazası, organizmde virusdin' tarqalıwı, onin’ kóbeyiw jayı hám ajralıp shıǵıw jolları ) na itibar beriledi. Respirator infeksiyalarda virustı ajıratıp alıw ushın murıntamoq suyıqlıǵı, murın hám óńeshden surtpe, traxeyadan qirtislanǵan material hám ólgen haywanlardan ókpenin' bir bólegi alınadı ; enteroviruslarda-patas ; neyrotrop viruslarda -bas hám arqa miyadan bir bólekshe; dermotrop infeksiyada -terinin' jańa jaralanǵan bólegi hám basqalar (1-keste). Qullası sonday material alınadı, sol materialda virustin' joqarı dárejedegi konsentraciyası ámeldegisi bolıwı kerek.
virustı ajıratıp alıwda xar qıylı ekskraklar hám sekretlar, organnin' bóleksheleri, qan, limfa material retinde xızmet etedi. Shoshqalarda qan moyintiriq venasınan, quyriǵınin' ushinan hám qulaqtan alınadı. Shoshqalarnin' kózindegi vena qan tmirıınan qan alıw júdá qolaylı esaplanadı.
Bunda 20 ml. qaratǵan " Rekord" shprisidan hám N 12-30 itneden paydalanıp suyek orbitasiniń ishki múyeshine iyne kiritiledi hám qan alınadı. virustı ajıratıp alıw ushın fibrinsizlantirilgan qan, distillangen suw menen 1:1 qatnasında aralastırılǵan qan, yamasa qannin' bólek elementlerinen (eritrotsitlar, leykotsitlar, plazma, sarısuw ) paydalanıw múmkin.