Tema: Viruslardiń tiykarǵı qásiyetleri, virus saqlawshı material menen islew qaǵıydaları hám qawipsizlik texnikası

Laboratoriyada tekseriw jumısların aparıw processinde bólmelerdin' rejesin dúziw hám tómendegi tiykarǵı shártler názerden qashpawi kerek:

1. Xızmetkerlerdin' qawip-xatersiz islewin támiyinlew.

2. Tekserilip atırǵan materialdı mikroflora menen kontamina-tsiyalanishini saplastırıw.

3. Laboratoriyadan infeksiyanıń tısqarıǵa shıǵıp ketpew ilajların kóriw.

Virusologiya laboratoriyasında virus saqlawshı material menen isleytuǵın xızmetker usı talaptı yadinda saqlawı hám jumıs rejimine ámel qılıwı kerek.

Virusologiya laboratoriyasında islew tártibi
Laboratoriyanin' barlıq xızmetkerleri miynet qawipsizligine tiyisli instruksiya ótkerilip, talapǵa juwap beretuǵın normaǵa tiykarınan sanitariya qorǵaw quralları, arnawlı ayaq kiyimi hám arnawlı kiyim menen támiyinlenedi.
Virusologiya laboratoriyasınin' tiykarǵı jumıs qaǵıydaları tómendegiler:
1. Islep shıǵarıw bınasına biygana kisilerdiń hám de laboratoriya xızmetkerlerinin' xalatsiz hám arnawlı ayaq kiyimisiz kiriwi múmkin emes;
2. Laboratoriyadan tısqarıǵa xalatda hám arnawlı ayaq kiyiminde shıǵıw yamasa xalat ústinen kiyim kiyiw, shegiw, islep shıǵarıw bınasında awqatlanıw hám azıq-awqat ónimlerin saqlaw qadaǵan etiledi.
Xızmetker boksda steril xalatda, júz japqishda, tapishkalarda, zárúr bolǵan táǵdirde rezina qolǵapda hám kóz áynek taǵip isleydi. Ayaq kiyim álbette almastırıladı. Jumıs waqtında sóylesiwge, júriwge jol qoyılmaydı ;
3. Laboratoriyaǵa tekseriw ushın alıp kelingen barlıq materialda infeksiya bar dep qaraladı. Infeksiya bar dep qaralgan material menen islewde júdá ıqtıyat bolıp jumıs kóriledi, bankalardi aship atirǵan waqıtta, sırtqı tárepinen dezinfeksiyalawshi material súrtilip, astina kyuveta qóyıladı ;
Bir neshe qabat vint 5% xloramin eritpesi menen ızǵarlanip jumıs stolinin' ústine jawıp qóyıladı.
Virus saqlawshı suyıqlıqlardı quyıw, dezinfeksiyalawshi eritpe salınǵan kyuveta ústinde atqarıladı.
Pipetkalar menen islewde rezina nokshalardan paydalanıladı. Aldın isletilingen pipetka, buyım hám japqish áynekler 5% xloramin eritpesi, fenol, lizol yamasa sulfat kislotaǵa batırıw jolı menen zıyansizlantiriladi.
Óz jayında aldınan dezinfeksiya etilmesten turıp laboratoriya úskeneleri, inventarlar, materiallar hám basqa zatlardı laboratoriyadan tısqarıǵa alıp shıǵıw qadaǵan etiledi;
4. Jumıs tawsılǵannan keyin jumıs jayı tártipke keltirilib, keyininen tolıǵınsha dezinfeksiyalanadi. Keleshekte kerek bolatuǵın virus saqlawshı material saqlaw ushın muhrlanib muzlatqishqa qóyıladı ;
5. Juqpalı materialdı saqlawshı ıdıslarǵa bekkem belgi qoyılıwı zárúrli áhmiyetke iye. Qolǵa kiyilgen qolǵaptı 5% xloramin eritpesi menen juwılıp, keyininen qolǵap sheshiledi, ekinshi bar dezinfeksiyalanadi hám juwıladı.
Juqpalı material xalatga, qolǵa, stolǵa, ayaq kiyimi hám basqalarǵa tússe ol jaǵdayda laboratoriya basqarıwshısına (oqıw orınlarında oqıtıwshına ) xabar berilip, asıǵıslıq menen onin’ qadaǵalawı astında dezinfeksiya jumısları ótkeriledi. Egerde infeksiya juqqan dep gúmansiralsa, vrashqa shaqırıq etiledi.
virusologiya laboratoriyasında islew processinde barlıq xızmetkerler aseptika hám antiseptika qaǵıydalarına qatań ámel qılıwları kerek