Tema: Viruslardiń tiykarǵı qásiyetleri, virus saqlawshı material menen islew qaǵıydaları hám qawipsizlik texnikası

4.TEMA: Patologikalıq materialdı tekseriwge tayarlaw, virus saqlawshı materialdı ajıratıp alıw

Alınǵan patmaterial laboratoriyada konservantlardan azat etiledi, eritiledi, glitserinnen juwıp tazalanadı tárezinde tartıp kóriledi yamasa olshenedi. Materialdin' bir bólegi virusologik tekseriw ushın, qalǵan bólegin bolsa qosımsha tekseriw ushın zárúr bolıp qalıwı múmkin bolǵanlıǵı sebepli sholanǵa qoyıp saqlanadı. Keyininen jiberilgen materialdı tekseriw jobası dúziledi.

Organ hám toqımanı tayarlaw
Virustı organ kletkalarınan hám toqımalarınan ajıratıp alǵannan keyin fosfat buferli eritpege yamasa Xenks eritpesine salinadi. Bunın' ushın material kletkalardan qayshı menen qırqıp alıp maydalanǵanan keyin, steril kvars qumi salınǵan idisshada eziledi. Maydanlanǵan shıyshe salıw múmkin emes, sebebi ol sıltili qásiyetke iye bolıp virus bólekshelerin aktivligin joytıwı múmkin.
Maydanlanǵan qum yamasa shıyshe bólekshelerinde úlken maydan ámeldegi bolıp bul adsorbsiyalaniw nátiyjesinde virus to'gip taslanatuǵın shókpe quramına ótip ketedi.
Fosfat bufer yamasa Xenks eritpesinde ezip tayarlanǵan materialdan suspenziya tayarlanadı. Alınǵan suspenziyani 1500-3000 ay/minutda 15-minuta centrifugalanadı, shókpe maydanındaǵı suyıqlıq sorip alınıp steril flakonshalarǵa quyilǵan , bakterial filtrden yamasa keń spektrda tásir etiwshi antibiotiklarden penitsillin, streptomitsin, nistatin, tetratsiklin, kristallomitsin, qosıp mikrofloradan azat etiledi.
Bul maqsette paydalanılıp atırǵan antibiotiklarnin' muǵdarı 1 ml tekserilip atırǵan materialnin' ózgeshelikine qaray 100 den tap 1-2 mıń birlikke shekem yamasa odan da joqarı bolıwi múmkin.
Antibiotiklerdi joqarı muǵdarda isletiwden saqlanıw kerek, sebebi o'stirilgen kletkalarda joqarı muǵdardaǵı antibiotiklardin' toplanıwı kletkada spetsifik bolmaǵan degeneratsiyaga sebep bolıwı múmkin.
Qaysı antibiotiklardiń qansha muǵdarda isletiw kerekligi, optimal centrifugalaw rejimi málim bir virus keselligine diagnoz qoyıw ushın shıǵarılǵan qóllanbada kórsetilgen boladı.
Suspenziyani antibiotiklar menen 30 -60 minuta xana temperaturasındaǵı ekspozitsiyasidan keyin materialdı bakteryalar, zamariqlar, bar ekenligine bakteriologik baqlaw ushın GPA, GPSH, GPJB hám Aloeo ortalıǵına egip kóriledi, Bakteriologik qadaǵalaw nátiyjelerine qaray, keri juwap alǵannan keyin virus saqlawshı materialdı laboratoriya haywanlarına, tawıq homilesine yamasa o'stirilgen kletkalarǵa juqtırıp kóriledi.
Suspenziya bakteriologik baqlawda oń nátiyje kórsetsa ol halda antibiotiklar menen qosımsha ishlew berilip, qaytaldan qadaǵalaw etiledi. Suspenziya minus 20 -70 oC saqlanadı.