Tema: Kishi jastaǵi oqıwshilarda ilimiy du`n`ya qarastin` elementlerin rawajlandiriwda ana tilin u`yretiwdin` ahmiyeti

III. Hárre sózin tákirarlamaw ushın oqıtıwshı tómendegilerdi soraydı: «Tekstte qatnasıwshılardı aytıń (hárre, kepter, bala). Hámme orınlarda hárre sózi isletilgen be? (Yaq) Oylap kóriń, gúrrińniń qaysı bóliminde hárre yamasa hárre ornında ol sózin isletiw maqul. Sonday-aq, tekstte kepter sózin bárha isletiw kerek pe yamasa teksttiń qaysı bóliminde ol sózin isletiw orınlı boladı. Bala sózi hámme orınlarda isletilgen be? (Awa, isletilgen)»

Sonnan keyin oqıtıwshı tekstti bólimler boyınsha túsinikli oqıydı. Oqıwshılar bolsa bólimler arasında qaysı sózler isletilgenin kórsetedi.

Oqıtıwshı kórsetilgen sózlerdi reje bólimlerine sáykesleydi hám sorawdıń qatarına jazıp, tik sızıq penen ajıratadı.

Birinshi bólim oqıladı. Hárre sózi ajıratıladı. Bul bólimde gúrrińniń baslanıwı hám hárreniń qay jerde ushıp júrgenligi, gúrriń qaharmanınıń atın kórsetiw lazımlıǵı aytıladı. Ekinshi bólimi oqıladı hám bul bólimdegi waqıya hárrege tiyisli bolǵanlıǵı ushın hárre sózi ornında ol sózi qollanılǵanlıǵı aytıladı. Úshinshi bólimde kepter haqqında aytılǵan. Sonıń ushın kepter sózi isletilgenligi aytıladı. Tórtinshi bólimde hárre haqqında gáp baradı. Bunda hárre sóziniń beriliwi durıs ekenligi túsindiriledi.

Besinshi bólim oqıladı. Bul bólimdegi waqıya balaǵa tiyisli.

Altınshı, jetinshi bólimler de oqıladı. Hárre, bala sózleriniń beriliwi durıs ekenligi aytıladı.

Segizinshi bólim oqıladı. Bunda kepter sózi berilgen. Bul orında usı at sáykes kelgen. Sebebi gáp kepter haqqında baradı.

IV. «Hárre, kepter hám bala» sózleri ústinde islew

1.	Hárre qay jerde ushıp baratır edi?	hárre
2.	Ol birden suwǵa jıǵılıp, qanday jaǵdayǵa tústi?	ol
3.	Kepter hárreni kórip ne qıldı?	kepter
4.	Hárre qalayınsha apattan qutıldı?	hárre
5.	Bala duzaq qoyıp ne qıldı?	bala
6.	Hárre kepterdi qutqarmaqshı bolıp ne isledi?	hárre
7.	Kepter neden qutıldı?	kepter

Tekstti aytıp beriwde birinshi bólimde bir gáp beriliwine qaramastan «ol» ǵa itibar beriledi. Hárreniń apatqa ushırawı usı gápten baslanadı.

Teksttiń tiykarǵı bólimleri (2-, 6-) ústinde jumıs alıp barıw zárúr. Bul bólimlerdegi eki gápte hárre haqqında pikir júrgiziledi. Oqıwshılar hárre sózi ornında «ol» dı qollanıp, aytıp beredi.