Tema: Kishi jastaǵi oqıwshilarda ilimiy du`n`ya qarastin` elementlerin rawajlandiriwda ana tilin u`yretiwdin` ahmiyeti

Sabaqtıń maqseti: Reje dúziwge úyretiw. Gúrrińde súwretlewdiń ornın baqlaw.

Sabaqtıń barısı.

I. Oqıtıwshı tekstti oqıp beredi hám sorawlar járdeminde analiz ótkeredi: «Nazir keliwi menen qanday waqıya júz berdi? Qalayınsha in tayar boldı? Indi ne qıldı? Ne ushın in jasawǵa qarar qıldı? Ne ushın qus sayrap jiberdi? Siz gúrrińniń qaysı bólimin eń áhmiyetli dep esaplaysız?»

II. Gúrriń rejesi dúziledi. Oqıwshılar analiz dawamında berilgen sorawlarǵa hár qıylı juwap beriwi múmkin. Oqıtıwshı oqıwshılarǵa ózleri áhmiyetli esaplaǵan bólimge tema qoyıwdı usınıs etedi. Oqıwshılar qoyǵan temalar jazıw taxtasına jazıladı. Temalar oqıladı, biraq dodalanbaydı.

III. Oqıtıwshı tekstti eki márte oqıydı. Oqıwshılar rejeni aqırına shekem jetkeredi. Bul jumıs jámáát túrinde ótkeriliwi múmkin. Oqıwshılar tárepinen áhmiyetli esaplanǵan temalar jazıw taxtasınan oqıladı, jáne qanday bólimler bar ekenligi anıqlanadı hám reje dúziledi.

Oqıwshılardıń erkinligin arttırıwda olardıń hár birine tolıq reje dúziwdi tapsırıw, dúzilgen rejeni dodalaw hám birden-bir reje dúziw júdá áhmiyetli.