Таянч сўзлар ва иборалар

Техникани индивидуаллаштириш 2 томонлама жараёндир. Биринчи томондан стандарт техника элементлари ўқувчининг хусусиятларига мосланиши. Иккинчи томондан ўқувчининг ўзи техника талабаларига функционал имкониятларини ўзгартириши керак.
Техника бўлимлари - Ҳаракат техникаси техника негизи, унинг асоси ва техника деталлари деган қисмларга бўлинади.
Техника негизи - бу ҳаракат вазифаларини муайян усул билан ҳал қилиш учун зарур ва етарли бўлган ҳаракатнинг динамик ва кинематик хусусиятларидир. (ортиб борувчи кучларнинг муайян изчиллиги, гавданинг айрим қисмлари уртасидаги мувофиклик ва бошқалар)
Техника асослари – жисмоний тарбиянинг техникаси маълум бир ҳаракатдаги асосий механизмнинг энг ва ҳал килувчи қисмидан иборат. Жисмоний машқларнинг техника асосини ҳаракат ташкил этади. Бу ҳаракат бошқа ҳаракат фаолиятидан ажралиб туради. Бундай ҳаракатлар системаси белгиланган ҳаракат фаолиятини бажариш учун шарт. Спорт ҳаракатларида асосий звенони бажариш нисбатан қисқа вақт оралигида бўлади ҳамда мускулларнинг кўп куч сарфланишини талаб қилади. Фақатгина техниканинг асосларини тўғри ўзлаштириб олгандагина бирор бир жисмоний машқни муваффақиятли урганиб олиш мумкин.
Техниканинг асосига мисол: югуриб келиб баландликка сакровчилар учун техниканинг асоси сакраш, оёкни юқорига силтаб тез бирлаштиришдан, улоктириш учун охирги зур беришдан, гимнастикада эгилиб кўтарилиш учун – тос сон бўғинларини ўз вақтида ва тез теришдан иборат бўлади.
Техниканинг қисмлари шу ҳаракатни ташкил қилиб фақат берилган ҳаракат фаолиятига тааллукли деб хисобланади, яъни ҳаракатни асосий механизмини бузмайдиган ҳаракатнинг иккинчи даражали хусусиятидир. Техниканинг қисмлари турли спортчиларда турича бўлиши мумкин ва кўп ҳолларда уларнинг шахсий морфологик ва функционал хусусиятларига боғлиқ. (масалан, баландликка сакрашда оёкни кўп ёки кам букиб силтаб ҳаракатланиш). Индивидуал хусусиятлардан тўғри фойдаланиш индивидула техникани кўрсатади. Индивидуал техника мазкур спортчи учун энг такомиллашган техника хисобланади. (Масалан В.Брумерда югуриб келишнинг охирги кадамларидан оёкни каттик букиш, Михайловнинг барьерли в оддий югуришда старт колоткаларни хилма хил жойлаштириши, И.Шмидтнинг югуриб келиб уч хатлаб сакрашда, бошқалардаги каби «хатлаш» эмас, балки «сакраш» нинг энг узун бўлиши).