|
Tasdiqlayman:
O`IB direktor
o`rin bosari__________________________
Sana _____________IX- sinflar
1 – dars. Masalalarni kompyuterda yechish bosqichlari
Dars maqsadi:
O‘quvchilarga masalalarni kompyuter yordamida hal etish bosqichlari haqida ma’lumot berish.
Darsning ta`limiy vazifasi: O`quvchilarga mustaqil fikrlashni o`rgatish
Darsning tarbiyaviy vazifasi: O`quvchilarning vatanga muhabbat ruhida tarbiyalash:
Darsning rivojlantiruvchi vazifasi: O’quvchilarni kompyuter savodxonligini oshirish
Uslub: Ma’ruza va amaliyot.
Shakl: Savol – javob, kichik guruhlarda ishlash.
Vosita: Elektron resurslar, darslik va ko’rgazmalar
Usul: slayd materiallari
Nazorat: og’zaki, savol-javob va kuzatish.
Baholash: Rag’batlantirish, 5 ballik reyting tizimi asosida.
Asosiy tushunchalar:
Masalalarni kompyuterda yechishning asosiy bosqichlari, boshlang‘ich va natijaviy kattaliklar, masala yechish usullari.
Tashkiliy qism:
salomlashish
davomatni aniqlash
siyosiy daqiqalar
O’quvchilar bilan o’tgan mavzuni savol javob va test usulida takrorlash, uyga berilgan topshiriq va vazifalarni tekshirish hamda baholash
Mavzuni boshlashga hozirlik:
Mavzuni yoritishda darslik, informatikadan 9–sinf elektron darsligi va mavzuga oid maxsus plakatlardan, tarqatma kartochkalardan foydalaniladi. Kartochkalarda axborotni qayta ishlash bilan bog‘liq algebraik, ijtimoiy masalalar aks etgan bo‘lishi mumkin.
Mavzuni yoritish:
Dars ma’ruza shaklida olib boriladi.
Mavzuni yoritishda dastlab axborotni texnik vositalar yordamida qayta ishlashning dolzarbligi, masalani hal qilish ham axborotni qayta ishlash ekanligi to‘g‘risida o‘quvchilarga tushuncha beradi.
Masalalarni kompyuter yordamida hal etish mumkinligi va u quyidagi bosqichlarni o‘z ichiga olishi izohlab beriladi.
EHMda masalani hal qilish uchun esa bir necha qoidalarni bilish, bir necha bosqichlarini o‘tish zo‘rur bo‘lish tushintiriladi.
Masalaning maqsadi va qo‘yilishini tahlil qilishda asosiy e’tiborni masalani hal qilishda maqsad nimaligini bilish, unga erishish uchun masala to‘liq qo‘yilganmi yoki yo‘qligi haqida ma’lumot olish to‘g‘risida tushuncha beriladi.
Masalaning aniq va to‘liq qo‘yilmasligi masalani maqsadini bajarib bo‘lmasligi yoki boshqa holatlarga olib kelishi mumkinligi izohlanadi.
Algoritm tuzish boqichini tushuntirishda, o‘quvchilarga «algoritm» tushunchasi o‘rgatilmaganligi bois algoritmni masalani hal qilish ketma-ketligi sifatida yoritsh mumkin.
Buning uchun ixtiyoriy arifmetik ifoda olib, undagi amallarni bajarish ketma-ketligini ko‘rsatish bilan algoritm haqida dastlabki (boshlang‘ich) tushuncha berish mumkin.
Masalan, 23+46×3-24:3=
ifodani hisoblashda, amaldagi qoidalarga ko‘ra, quyidagicha ketma-ketlik bajariladi:
1.46×3=138 2. 23+138=161 3. 24:3=8 4. 161-8=153
Dastur tuzish bosqichida o‘qituvchi, bu bosqich «dasturli ta’minot» (8-sinf) tushunchasi bo‘lganligi bois, masalani hal qilish algoritmini mashina tiliga o‘tkazish, kompyuterga buyruqlar shaklida ko‘rsatmalar majmuini tuzish mazmunida tushuntirish olib borishi maqsadga muofiqdir.
Dasturni EHMga kiritish deganda, tashqi qurilmalar (ularni periferiya qurilmalari deb ham ataydilar), masalan, klaviatura, «sichqoncha» manipulyatori yordamida tezkor (operativ) xotiraga kiritish, va disk yuritgich yoki protsessor yordamida vinchester, disketa, magnit moslamalarida saqlab turish tushuniladi.
Dasturni EHMda ishlatish bosqichini tushuntirishda o‘qituvchi o‘quvchilarga 8-sinf kursidan ma’lum bo‘lgan translyator, kompilyatorlar haqida eslatib o‘tishi maqsadga muvofiq bo‘ladi.
Natijani olish va uni tahlil qilish bosqichini tushuntirganda, olingan natijaning qo‘yilgan masala shartlarini qoniqtirishi o‘rganilishi ta’kidlanadi.
Ko‘p hollarda, masalaning matematik shakli-modeli hosil qilingach uni hal qilish usulini tanlashda xotoliklarga yo‘l qo‘yilishi, shu bois olingan natija masala shartini qanoatlantirmasligi mumkin.
Bunday hollarda masalani hal qilishning biror bosqichi qayta ko‘riladi va amalga oshiriladi. Bu bilan o‘quvchilarda dastlabki ko‘rinishdagi «teskari aloqa» tushunchasi haqida tasavvur paydo bo‘ladi.
Do'stlaringiz bilan baham: |
