Таълими ходимларини қайта

Соннинг қисмини топиш

Масала. Диноранинг 150 сўм пули бор эди. У пулининг 2/3 қисмига музқаймоқ олиб еди. Музқаймоққа неча сўм сарфланган?
Ечиш: 1) 2/3 касрнинг махражи 3 бўлгани учун 150 сўм 3 га бўлинади.
150 : 3 = 50. Демак, 150 сўмнинг 1/3 қисми 50 сўм.
2) касрнинг сурати 2 бўлгани учун 50 сўмни 2 га кўпайтирилади.
50 • 2 = 100. Демак, музқаймоқ учун 100 сўм тўланган. Масалани ечишда бажарилган амалларни бундай ѐзиш мумкин:
150 : 3 • 2 = 100 сўм. 150 нинг қисмини топиш учун:

1. 
   150 ни қисмни ифодаловчи касрнинг махражи 3 га бўлиш;
   
2. 
   натижани касрнинг сурати 2 га кўпайтириш керак. 100 нинг ярми нечага тенг? 100 нинг 1/4 қисми нечага тенг?
   

100 нинг чораги нечага тенг? 100 нинг 1/10 қисми нечага тенг?

Қисмига кўра соннинг ўзини топиш

Масала. Динора 360 сўмга китоб харид қилди. Бу пул ундаги ҳамма пулнинг 3/4 қисмига тенг бўлса, Динорада неча сўм бор эди?
Ечиш: 1-савол. Динорадаги пул нечта тенг қисмга бўлинди?
Жавоб: Пул 4 та тенг қисмга бўлинган, чунки 3/4 касрнинг махражи 4 га тенг.

2. 
   савол. Китобнинг баҳоси нечта қисмга мос келади? Жавоб: 3 та қисмга, чунки 3/4 касрнинг сурати 3 га тенг. 3-савол. Битта улушга неча сўм тўғри келади?
   

Жавоб: 360 сўм : 3 = 120 сўм.
4-савол. Динорада неча сўм пул бор эди? (4 та улушга неча сўм тўғри келади?) 120 сўм • 4 = 480 сўм.
Масаланинг жавоби: Динорада 480 сўм пул бор эди.
Масалани ечишда бажарилган амалларни қисқача бундай ѐзиш мумкин. 360 : 3 • 4 = 480 (сўм)
3/4 қисми 360 бўлган сонни топиш учун:

1. 
   360 ни қисмни ифодаловчи касрнинг сурати 3 га бўлиш;
   
2. 
   натижани касрнинг махражи 4 га кўпайтириш керак.
   

Тезлик ва вақт бўйича масофани аниқлаш

Масала. «Тико» автомобили 1 соатда 70 км йўл юрди. У шундай тезлик билан 2 соатда неча километр йўл юради? 3 соатда-чи?
Ечиш: 2 соатда ўтилган йўл 1 соатда ўтилган йўлдан 2 марта узун бўлгани учун автомобил 2 соатда 70 • 2 = 140 (км) йўл босади.
3 соатда босган йўли: 70•3=210 (км) бўлади. «Автомобил 1 соатда 70 км йўл юрди» дейиш ўрнига «Автомобилнинг тезлиги соатига 70 км» ѐки автомобил 70 км/соат тезлик билан ҳаракатланяпти дейиш ҳам мумкин.
Узунликнинг ўлчов бирликлари мм, см, дм, м, км; вақтнинг ўлчов бирликлари секунд, минут, соат бўлгани каби тезликнинг ҳам ўлчов бирликлари бор. Улар м/мин, мис, км/с, км/мин, км/соат бўлиши мумкин. Тезликнинг ўлчов бирликларини ѐзганда аввал узунлик бирлиги ѐзилиб, сўнг қия чизиқ «/» (ѐки «-») қўйилади ва қия чизиқ тагига вақт ѐзилади. Масала ечимини шундай ѐзиш мумкин:
Ечиш: 1) 70км/соат • 2 соат =140км. Жавоб: 140км.
2) 70 км/соат • 3 соат=210 км. Жавоб: 210 км.
Берилган тезлик ва берилган вақтга кўра босиб ўтилган йўлни топиш учун тезлик ва вақтни ўзаро кўпайтириш керак. Умуман, соатига в км йўл босаѐтган жисмнинг т соатда ўтган йўлини С ҳарфт билан белгиласак, бу йўл С = в•т формулага (қоидага) кўра ҳисобланади.

1. 
   Гулчеҳра 1 соатда 4 км йўл ўтади. Шундай тезлик билан 2 соатда неча километр йўл босади? 3 соатда-чи? 4 соатда-чи? 30 минутда-чи?
   
2. 
   Поезд 56 км/соат тезлик билан кетяпти. У а) 2 соатда; б) 5 соатда неча километр йўл ўтади?
   
3. 
   «Нексия» автомобили 90 км/соат тезлик билан юрмоқда. Унинг 1 минутда, 10 минутда, 15 минутда, ярим соатда ўтган йўлини топинг.