Таълим вазирлиги тошкент давлат иқтисодиёт университети

Назорат учун саволлар 
1. Нарх сиѐсатининг шаклланиши моҳияти нимадан иборат? 
2. 
Нарх сиѐсати шаклланишининг асосий тамойиллари 
қайсилар? 
3. Нарх шаклланиши вазифалари қандай белгиланади? 
4. Нарх бўйича қайси маркетинг стратегияларини биласиз? 
5. Бошланғич нархни белгилаш жараѐни қайси босқичлардан 
иборат? 
6. Интернет-аукцион бу нима? 
7. Интернет-аукционларнинг истиқболлари қандай? 
8. Интернет-аукционларнинг ишлаш схемаси қандай? 
9. Нархга таъмир этувчи омиллар нималардан иборат? 

---

178 
8-боб. ТАҚСИМОТ ТИЗИМИ ВА ИНТЕРНЕТ 
8.1. Товар тақсимоти каналлари 
Ишлаб чиқарувчилар ва истеъмолчиларнинг замон ва макон 
бўйича бир-биридан узоқда жойлашганлиги компаниялар олдига бир 
қатор муҳим муаммолар қўяди: ким, қачон ва қай тарзда товарлар 
етказиб беришни таъминлайди, ким ва қандай қилиб бу товарларнинг 
бозорга киритилишини таъминлайди, молиявий, товар ва ахборот 
оқимлари 
қандай 
бўлади, 
истеъмолчидан 
маҳсулот 
ишлаб 
чиқарувчига қайтувчан алоқа қандай бўлади? Бу саволларнинг 
жавоби кўп жиҳатдан замонавий бозорда компания фаолиятининг 
муваффақиятга эришувини белгилаб берувчи тақсимот тизимини 
яратиш усулини кўрсатади. 
Дастлаб тақсимот жараѐнига таъриф берамиз. 
Тақсимот жараѐни деганда истеъмолчиларни аниқлаш, танлаш 
ва жалб қилиш, шартномага мувофиқ товарни етказиб бериш восита 
ва йўлларини аниқлаш, бу усулларни асослаб бериш ва товарларни 
омборда жойлаштириш бўйича усуллар, хатти-ҳаракатлар ва 
босқичлар йиғиндиси тушунилади. Товарнинг ишлаб чиқарувчидан 
якуний истеъмолчи ва фойдаланувчи томон ҳаракатланишидаги 
оқимларни ташкил қилиш учун қабул қилиниши мумкин бўлган 
қарорлар товар тақсимоти билан боғлиқ бўлади. Бугунги куннинг 
жиддий бир тенденцияси маҳсулот ишлаб чиқарувчилар ва 
истеъмолчилар 
ўртасида 
ўзаро 
алоқа 
жараѐнларини 
такомиллаштириш учун муҳим аҳамият касб этувчи ахборот 
оқимларининг роли ўсиб бораѐтганлигидан иборат.