Таълим вазирлиги бухоро давлат университети

Илмий тадқиқотнинг мақсади: илмий адабиётларни таҳлилий ўрганиш асосида психология тарихида алоҳида ўрин тутган бихевиоризм илмий мактабининг пайдо бўлиши, шаклланиши, ривожланиши ва кейинги ҳолати, шунингдек, бугунги кун замонавий психология фани учун аҳамиятини илмий далиллар асосида кўрсатиб беришдан иборат.
Илмий тадқиқотнинг фарази:

1. 
   Бихевиоризм илмий психологик мактабини тарихий нуқтаи назардан ўрганиш бугунги, замонавий психологияни янада теранроқ тасаввур этиш, ўрганиш, фан бўйича самарали педагогик ҳамда илмий тадқиқот йўналишида иш олиб бориш учун замин яратиши мумкин.
   
2. 
   Бихевиоризм илмий мактабини бошқа илмий мактаблар билан қиёсий тарзда ўрганиш ушбу фанга нисбатан қизиқишларни шакллантиришда муносиб ҳисса қўшиши эҳтимол.
   
3. 
   Психология таълим йўналишида таълим олувчиларга бихевиоризм илмий мактаби борасида бериладиган таҳлилий билим, тасаввур ва маълумотлар уларнинг фан юзасидан эгаллайдиган билимларида қиёсий жиҳатнинг янада кучайишига олиб келиши кутилади.
   

Илмий тадқиқотнинг вазифалари. Психология тарихига доир мамлакатимиз, рус ва жаҳон психолог олимларининг илмий психологик ҳамда педагогик асарларини таҳлилий ўрганиш асосида улардан бихевиоризм илмий мактабига асосланган қиёсий фикр ва мулоҳазалар, хулосалар, пировард натижада тавсиялар ишлаб чиқиш.
Илмий тадқиқотнинг методлари.

1. 
   Илмий адабиётларни ўрганиш методи.
   
2. 
   Контент-таҳлил методи.
   

Тадқиқотнинг объекти: психология тарихида алоҳида ўрин тутган бихевиоризм илмий мактаби асосчилари ва намояндалари қарашлари.
Тадқиқот предмети: бихевиоризм назариясида ифодаланган шахс талқини ва унинг ижтимоий психологик аҳамиятини аниқлаш.
Илмий тадқиқотнинг методологик асослари. Психология фанининг қонуниятлари, тамойиллари, концептуал назариялари (мотивацион, эмоционал, иродавий, когнитив, регулятив ва шахсга оид ёндашувлар) талқини умумлашмасидан иборатдир.
Шунингдек, Президент И.А.Каримовнинг нутқлари ва чиқишларидаги ғоялар, ЎзР Вазирлар Маҳкамаси қарорлари, “Таълим тўғрисида”ги Қонун, “Кадрлар тайёрлаш Миллий дастури”, Миллий ғоя ва миллий истиқлол мафкурасига оид давлат ҳужжатлари, Олий мажлис материаллари изланишлар негизини ташкил қилади. Бундан ташқари, буюк ўтмиш аждодларимизнинг шахс тўғрисидаги таълимотлари ва бошқалар тадқиқотимиз учун методологик асос сифатида хизмат қилди.