Эмоционал ҳолатларни баҳолаш тести «белгилар пантомимаси»

ЭМОЦИОНАЛ ҲОЛАТЛАРНИ БАҲОЛАШ ТЕСТИ
«БЕЛГИЛАР ПАНТОМИМАСИ»
Тестда одамнинг кўз ўнгида кўриб турган нарсаларни ўз шахсига тааллуқлиликка айлантиришга мойиллигидан, ўзи билмаган ҳолда одам гавдасига ёки унинг бўлакларига хос бўлган ҳаракат билан боғлашга бўлган мойиллигидан фойдаланилади.
Ҳар бир символ - нафақат мўйқалам тутган қўлнинг оддий ҳаракати, балки баъзи ҳаракатларни ифодалаш ҳамдир. Уларнинг ҳар бирини биз тез ёки секин, кучли ёки кучсиз, жиддий ёки ўйин ҳаракатлари натижаси сифатида билиб оламиз. Лекин бундан ташқари, шуниси ўта муҳимки, бу белгилар англанган ёки англанмаган ҳолда одам танасини ҳолати ва ҳаракатлари билан боғлиқликни акс эттиради. Улар гавда ҳолати ёки қўл ҳаракатларини ифодалайди. Тана ҳаракатлари одатда одамни мақсад, хоҳиш, истак, кайфият ва бошқаларни ифода этиб беради.
Кўрсатма: Ушбу саккизта белгига эътибор билан қаранг.

Бу белгилардан сизга энг ёққанини танланг ва рақамини эслаб қолинг. Энди белгилардан ёқмаганини танланг ва рақамини эслаб қолинг. Танловни шошмасдан амалга ошириш керак, акс ҳолда натижа нотўғри чиқиши мумкин. Қуйида берилган жадвалда сиз танлаган сонларни қатор ва устун бўйича кесишган нуқтадаги катакда берилган рақам сизнинг ҳозирги вақтдаги «эмоционал ҳолатингиз ҳақида қисқача маълумот» беради. Тест калитида ушбу маълумотларни олиш мумкин.

Ушбу методика сизни ғира-шира (салгина) англанаётган хоҳиш - истакларингизни аниқлаш имконини беради, фаол эмоционал ҳолатни баҳолаш ва психологик «мувозанатга» эришиш йўлларини топиш имконини беради.
Тестда ифодаланган символлар

1. 
   «Учиш, сакраш, умбалоқ ошиш». Бу символ сув устига учиб чиққан делфинга ўхшайди.
   
2. 
   «Бирдан жойдан қўзғалиш, кучли олдинга интилиш».
   
3. 
   «Кучаниш, енгиб ўтиш». Бу белги кескин ҳаракат қилишни ифодалайди ҳамда ирода ва энергияга тўла, тўсиққа қўрқмасдан кўкраги билан бораётган одамни эслатади.
   
4. 
   «Қаддини тик тутиш, эгилмас бўлиш». Бу белги жиддийлик ва қатъийликни ифода этади.
   
5. 
   «Тинч ўтириш, зўриқмаслик». Символ ўтирган одамга ўхшайди.
   
6. 
   «Чекиниш, ён бериш, орқага тисарилиш». Белги орқага ва пастга қайтиш, шиддатдан, шаштидан қайтишни ифодалайди.
   
7. 
   «Эгри-бугри бўлиб кетмоқ, ҳимоясиз, нимжон, ночор бўлмоқ». Бу белги «позаси» - орқага, пастга кетиш, интилишдан воз кечиш маъносини англатади.
   
8. 
   «Бўшашган ҳолда ётиш». Бу белги эринган ҳолдаги табассумни эслатади.
   

Узимизга ёққан ва ёқмаган белгини танлаётганимизда бизда қандай ҳолат кечади? Аслида биз ўзимиз хоҳлаётган поза ва ҳаракатни танлаймиз ва ёқмаётган ҳаракат ва позани инкор этамиз. Кайфият билан ҳаракат фаоллиги характери ўртасида нафақат тўғридан-тўғри, балки «икки томонлама» боғлиқлик бор. Хатти-ҳаракат кайфият билан белгиланади. Агар сиз ўз хатти- ҳаракат «усулингизни» ўзгартирсангиз кайфият ҳам ўзгариши мумкин. Балки сиз танлаган «энг ёққан» символ ҳозирги вақтда сиз учун қандай характердаги хатти-ҳаракат фаоллигига зарурият борлигини кўрсатувчи маънога эга бўлиши мумкин. Ўзингизни бир синаб кўриш ҳеч қачон халақит қилмайди: чунки белгилардан биттасини танлай туриб, ўзингизга ўзингиз сизга нималар етишмаётганини, нималарнидир хоҳлаётганингизни ошкор этдингиз. Буни сиз ҳаракатда ва қоматингизни тутишда ифода этинг: бу билан сиз ўзингизга етмаётган нарсани қисман бўлсаям тўлдиришингиз мумкин ёки сизни ҳозирги ҳолатингизда сизга оғирлик қилаётган нарсани ўзгартиришингиз мумкин.