Таълим вазирлиги бухоро давлат университети

Тадқиқотнинг илмий янгилиги.

1. 
   Мавзуга тааллуқли қонуниятлар ва ёндашувлар махсус мезонлар ёрдами билан умумлаштирилганлиги ва дастлабки бошланғич нуқтасининг аниқланганлиги.
   
2. 
   Психологияда шахс талқинининг назарий ва амалий манбалар билан бойитилганлиги.
   
3. 
   Психологияда шахс талқини бўйича қўшимча маълумотлар тўпланганлиги ва талқин қилинганлиги.
   

Илмий тадқиқотнинг назарий аҳамияти:
а) психология фанида унинг тарихига доир турли психологик мактаблар, жумладан бихевиоризм билан боғлиқ қонуниятлар, механизмлар, этник хусусиятлар акс эттирилиши ўрганилганлиги;
б) психология фанида шахс муаммосига диагностик ёндашувнинг назарий материаллар билан бойитилганлиги;
в) битирув малакавий ишида ўзига хос концепция ва унинг таркиблари билан психология назарияси маълум даражада кенгайтирилганлиги ва бошқалар.
Тадқиқотнинг амалий аҳамияти:

1. 
   Бихевиоризм илмий мактабини таҳлилий ўрганиш замонавий психология фанини янада теранроқ тасаввур этиш имконини яратади.
   
2. 
   Бихевиоризм мактабини ўрганиш ва унинг бошқа илмий мактаблар қаторида тутган ўрнини аниқлаш орқали таълим олувчиларнинг психологияга оид билимларини янада кенгайтириш учун шарт-шароит вужудга келади.
   
3. 
   Умумлаштирилган материаллардан психология ўқув машғулотларида фойдаланиш имконияти яратилади.
   
4. 
   Амалга оширилган битирув малакавий иши материалларидан психология фанини ўқитишни такомиллаштиришда қўллаш мумкин.
   

Ҳимояга олиб чиқилаётган асосий ҳолатлар:

1. 
   Бихевиоризм — инсон ва ҳайвон психологиясидаги йўналиш, хулқ-атвор ҳақидаги фан бўлиб, бу йўналиш америка психологиясининг 20-асрдаги қиёфасини белгилаб берди ва психика ҳақидаги тасаввурларни тубдан ўзгартирди. Унинг формуласига кўра, психологиянинг предмети онг эмас, балки хулқ-атвордир.
   
2. 
   Интеллект табиати ва унинг функцияси фақатгина онгнинг бошқа ҳодисаларига мурожаат қилинмасдан ўрганилиши ва баҳоланиши мумкин. Психик соҳага тегишли бўлган, яъни ҳаракат реакциялари ва ташқи стимуллар орасида пайдо бўладиган боғланишлар орқали организмда қониқиш ёки дискомфорт ҳолатини ҳис этиш мумкин бўлиб, бу нейрофизиологияга тегишли бўлган, импульсларни ўтказиш қобилиятидир.
   
3. 
   Бихевиоризмнинг айрим тамойиллари ўтган асрнинг 30-40 йилларида, необихевиоризм йўналиши пайдо бўлган даврда ўзгарди, қайта кўриб чиқилди. Необихевиоризм – стимул ва реакция орасидаги боғланишни маълум даражада белгилайдиган “оралиқ ўзгарувчилар” – билиш, мотивацион жараёнлар орқали ўрганишга йўналтирилгандир.
   

Ушбу битирув малакавий ишида бихевиоризм илмий мактабининг шаклланиши борасидаги турли адабиётларда келтирилган материалларни таҳлилий ўрганиб, унинг айрим илмий-услубий жиҳатлари борасида мустақил фикр юритиш ва тегишли хулосалар чиқаришга ҳаракат қилдик.