Talaba: Xujayev Olmas Nafas olish a'zolari kasalliklarida davolash jismoniy mashqlari. Bo'g'im kasalliklarida davolash jismoniy mashqlari

Osteoxondrozning belgilari:

Zararlangan umurtqalar sohasida: 6-nchi buyin, 9-nchi ko`krak, 3-nchi bel umurtqalari sohasida og`riq bo`ladi. Bu og`riq shu umurtqa atrofidagi muskullarga hamda qo`l-oyoqlarga beriladi. O`tirgan vaziyatdan tik vaziyatga o`tish qiyinlashadi. Uzoq vaqt tik turganda, yuk ko`targanda og`riq zo`rayadi.

Osteoxondrozda orqasi bilan yotgan vaziyatda davolash mashqlari.

1. Tekis joyga yostiqsiz yotadi. Oyoqlarini uzatadi. Qo`llarini boshi ostiga qo`yadi. O`ng oyog`i tovonini chap oyog`i boldiri ustiga qo`yib, pastdan-tizzagacha siypalash harakatini bajaradi – 10 marta;

- so`ngra chap oyog`i bilan shu harakatni bajaradi – 10 marta.

2. Qo`llari tanasi bo`ylab uzatilgan, oyoqlari uzatilgan va juftlangan.

- o`ng oyog`ini chanoq-son bo`g`imida yuqoriga ko`taradi, oldinga bukib, oyoq barmoqlarini chap yelkaga yaqinlashtiradi;

- so`ng o`ng oyog`ini tushirib, chap oyog`i bilan shu harakatni bajaradi;

- shu harakatni har bir oyoq bilan 5-10 marta takrorlaydi.

3. Qo`l-oyoqlari uzatib, chuqur nafas oladi;

- so`ngra ikki oyog`ini tizza bo`g`imida bukib, tizzani qorniga yaqinlashtiradi va ikki qo`li bilan ikki oyoq tizzasini quchoqlaydi;

- chuqur nafas chiqaradi;

- oyoq-qo`lini uzatib-chuqur nafas oladi. 5-10 marta takrorlaydi.

4. Qo`l-oyoqlari uzatilgan.Oyoqlarini ko`taradi, tizza bo`g`imida bukib, boldirlarni gorizontal holatga keltiriladi;

- o`ng oyog`i tovonini chap oyog`i tizzasiga qo`yadi;

- so`ngra shu harakat chap oyog`i bilan bajariladi.

- har qaysi oyoq bilan harakat 10 marta bajariladi.

5. Qo`l-oyoqlar uzatilgan, oyoqlarini tizza bo`g`imida bukadi, tovonlarini yerga tiraydi;

- boshining ensasi va tovonlarini yerga tirab tanasini ko`taradi;

- chanog`ini o`ng va chap tomonga harakat qildiradi -5-10 martadan.

6. Oyoqlar uzatilgan, ikki qo`l tirsagini yerga tirab, kuraklarini yerdan ko`taradi va tushuradi - 5-10 marta.

7. Qo`llari tana bo`ylab uzatiladi;

- oyoqlari tizza bo`g`imida bukilib, tovonlari yerga tiraladi;

- tovon, kurak va boshining ensa sohasini yerga tirab, tanasi va chanog`ini yerdan ko`taradi. Shu vaziyatda 5-10 soniya turadi;

- so`ngra tanani tushirib, muskullarni bo`shashtiradi, 5-10 soniya dam olib, yuqorida aytilgan harakat takrorlanadi - 5-10 marta.