Табиий фанлар факультети биология к а ф е д р а с и

Лаборатория машғулоти 9.
Бўшлиқичлилар (Снидариа) типи: Сцифомедузалар (Сcйрҳозоа) синфи. Вакил: Аурелия медузаси (Аигелиа аугита). Тузилиши ва ривожланиши


1-иш.
Аурелия медузаси (Аигелиа аугита) тузилиши ва ривожланиши


Керакли жиҳозлар: формалиннинг денгиз сув билан аралаштирилган 5 % ли эритмасида фиксация қилинган аурелиялар, уларнинг тузилишини ва кўпайишини акс эттирувчи жадваллар, Петри идишлари, қисқичлар, қўл лупалари, препаровал ниналар, бинафша ёки қизил қонго бўёғи, тўртбурчак ёки доирасимон қирқилган қоғоз кора бўлакчалари, томизгичлар.

Аурелия Кора, Баренц, Оқ ва Узок Шарк денгизларида кенг тарқалган. Унинг соябонсимон танаси унча катта эмас, диаметри 20 – 30 см гача бўлади. Соябон четида юзларча катта пайпаслагичлар уларнинг оралигида эса 8 та қирғоқ таначалари – ропалиялар жойлашган. Улардан ёруғликни сезувчи майда кузчалари мувозанат органи ва ҳид сезувчи нерв ҳужайралари мавжуд (1-расм). Соябон остининг марказ қисмида 4 та оғиз олди куракчалари (пайпаслагичлар), уларнинг ўртасида эса тўртбурчак шаклдаги оғиз жойлашган. Оғиз олдидаги ва соябон атрофидаги пайпаслагичларнинг ҳаммаси отилувчи ҳужайраларга эга. Оғиздан кейин давом этадиган қисқагина томог гастроваскуляр системанинг марказий қисмига, яъни ошқозонга бориб қўшилади.

Ошқозон бир-биридан парда билан ажралган 4 та хона ҳосил қилади. Буларда жуда кўп отилувчи ва безли ҳужайраларга эга бўлган гастрал иплар бор. Ошқозон хоналаридан 8 та шохчалар ҳосил қилувчи ва 8 та шохланмайдиган радиал каналлар бошланади ва улар қирғоғидаги доирасимон каналга бориб қўшилади. Ҳамма каналларнинг ички юзаси киприкчали ҳужайралар билан қопланган. Бу киприкчаларнинг ҳаракати туфайли сув ва озуқа моддалар аурелиянинг гастроваскуляр системаси бўйлаб доимо оқиб туради. Бунда озуқа шохланмайдиган каналлар орқали ошқозондан ҳалқасимон каналга, шохланувчи каналлар орқали эса, аксинча, тескари томонга ҳаракат қилади. Демак, гастроваскуляр системанинг каналлари медузанинг анча катта танасини озуқа билан таъминлайди. Сув билан бирга эса кислород кириб ундан медуза нафас олади ва қолдиқ маҳсулотлар сув билан бирга чиқиб кетади.