Т р. Мавзулар Соат

Бошқа фанлар билан алоқаси. Ўсимликлар интродукцияси ботаник заҳирашунослик фанининг таркибий исми бўлиб, у инсоннинг амалий фаолияти билан алоқадор.
Ўсимликлар заҳирашунослиги – мажмуавий фан бўлиб, ўзида бошқа фанлар тўплаган маълумотларни жамлайди (систематика, филогения, биохимия, фармакогнозия, фармокология, интродукция ва бошқ.)
Ўсимликлар интродукцияси ўзида биологиянинг турли соҳасидаги фанларини бирлаштириб, бу фанларнинг кўпчилиги билан ҳамкорликда, уларнинг назарияси ва методлари (экология, систематика, география, агрономия, ўрмоншунослик)дан фойдаланади. Ботаника соҳасида интродукция масалаларининг ечимига қаратилган фанлар орасида етакчи ўринлардан бирини ўсимликлар физиологияси эгаллайди, чунки ўсимлик ҳаёт фаолиятининг атроф муҳитга боғлиқлигини ўрганиш асносида бу фан ўсимликнинг ташқи муҳитга мослашиш механизмларини очиб беради.
Физиологик тадқиқотлар ўсимликнинг янги шароитдаги ҳаёт фаолиятини ўрганиб, интродуцентларга бу муҳитдаги адаптация жараёнларида кўмаклашаш ва уларнинг маҳсулдорлигини оширишда самарали таъсир усулларини ишлаб чиқиш учун тавсиялар ишлаб чиқаришда имконият пайдо бўлади.
Ўсимликлар интродукцияси тадқиқотчидан аниқ мақсадга йўналти-рилган фаолиятни талаб қилади. Бунда тадқиқотчи олдиндан интродуценларнинг фойдали хусусиятлари ва хислатларини билиши лозим. Чунки ўсимлик тури ўзининг табиий ареалидан кескин фарқ қиладиган бошқа иқлим кўрсаткичларига эга янги муҳитга олиб киритилади. Табиатда эса иқлим кўрсаткичлари билан бир-бирига айнан ўхшаш бўлган жойлар деярли учрамайди. Иқлим омиллари жамламасининг атиги биттаси мос келмаганида ҳам у ўсимликнинг ўсишига тўсқинлик қилади. Интродуцент-нинг экологик диапазони ана шу янги жойда мослашиш имкониятига эга бўлса у яшаб қолади, мослашади ва хўжалик аҳамиятига эга бўлади. Аксинча эса у бу жойда ўсиб яшаб кета олмайди.
Интродукторлар узоқ тарихий тараққиётда мутлақо бошқа иқлим шароитида ўсиб келган ўсимликни танлаш ва интродукция қилиш, ўсимлик организмидаги ўзгарувчанлик қонуниятларини очади, уларни етиштириш ва ишлаб чиқаришда фойдаланиш методларини ишлаб чиқади.