T. Qayıpbergenov shıǵarmalariında feyillerdiń qollanılıwı Kirisiw І bap. T. Qayıpbergenovtıń shıǵarmalarında feyiller II bap. Feyil tiykarlı qospa feyiller

Kel. Bul feyil bar feyiline antonimlik mánidegi háreketti bildiredi: alıp kel-alıp bar, aytıp kel-aytıp bar, kórip kel-kórip bar, t.b.

Kel feyili hal feyildiń –p kel formasında kelgende óziniń leksikalıq mánisin saqlap qospa feyil jasaydı: kirip kel, kórip kel, izlep kel, jetip kel, barıp kel, aytıp kel, t.b. Mısalı: Keshikpey Seyimbette kirip keldi. Jumash jasawıl dalaǵa shıǵıp, ústi-bası qar-qar bolıp qaytıp keldi (S.A.). Sonıń arasında arbasın tasırlatıp Jaynaq ta jetip keldi (SH.A.). Ortaǵa jayıp qoyılǵan dásturqanǵa nan alıp kelindi (J.S.).

Kel feyili –a,-e formalı hal feyiller menen qosılıp qospa feyil jasaǵanda, jol-jónekey islengen háreketti bildiredi: ayta kel, kóre kel, soray kel, bile kel, ala kel, t.b.

Ket. Bul feyil hal feyildiń –ıp/-ip-p, -a,-e,-y formalı túrleri menen dizbeklesip qospa feyil jasaydı: alıp ket, kórip ket, bilip ket, esitip ket, kelip ket, ayta ket, kele ket, kóre ket, bel ket, t.b. Bunday jaǵdayda qospa feyilden ańlasılǵan háreket bir orınnan ekinshi orınǵa ketiw háreketti bildiredi. Mısalı; Hámme shını menen duw kúldi, keń dala kúlgendey, aynala jańǵırıp ketti. Balalardıń birine qara ǵunandı jeteletip, toparlasıwı menen júrip ketti. (197-bet) Aysholpan ananıń aytıwına qaraǵanda, keshqurın kiyinip piyada shıǵıp ketken. (199-bet). Qutırınǵan jalayırlar biziń tınıshımızdı almaqshı. Túnde Ǵayıp xannan adam kelip ketti. (205-bet).