T. Qayıpbergenov shıǵarmalariında feyillerdiń qollanılıwı Kirisiw І bap. T. Qayıpbergenovtıń shıǵarmalarında feyiller II bap. Feyil tiykarlı qospa feyiller

Jat (jatır) tur, júr, otır feyilleri. Bul feyilerdiń qollanılıwı hám grammatikalıq mánileri basqa túbir feyillerge qaraǵanda ádewir keń. Ásirese bul feyillerdiń kómekshi feyil waziypasında qollanılıwı tilde jiyi ushırasadı.

Jat (jatır) feyili hal feyildiń –ıp/-ip,-p formalı túri menen qosılısıp, sol eki feyildiń qosılıwınan qospa feyil jasaladı. Bunday jaǵdayda qosılısqan eki feyildiń leksikalıq mánileri saqlanıp, halat (statikalıq) mánidegi háreketti bildiredi: sóylesip jattı, sezip jattı, shayqalıp jatır, sezip jatır, uyqılap jatır, oylanıp jatır, t.b. Mısalı: Olar kóp waqıtqa shekem sóylesip jattı Aydananıń sergekligi sonshelli, tıshqannıń tıpırlaǵanın da sezip jattı.