Т нинг жиноий қилмишига ҳуқуқий баҳо беринг. Жиноят таркиби зарурий ва факульатив белгилари юридик таҳлил қилинг? Жиноят таркиби зарурий ва факульатив белгилари ўзаро муносабатини қандай? Жавобингизни асосланг

Қилмишни жиноят қонунчилигига кўра квалификация қилинг.

17 казус
“Аскар ишонч” ЯТТ раҳбари Б.Юлдашев ўзининг ёшлигидаги дўсти бўлган, туман ҳокими Ш.Турдимов билан ўзаро суҳбат давомида синглиси А.Юлдашеванинг Жаҳон тиллари университетини тугатганини ва ҳозирда бекор юрганини айтди. Шунда дўстига ёрдам бериш мақсадида А.Юлдашевани тумандаги 10-сонли мактабга инглиз тили ўқитувчиси қилиб жойлаштириб қўйишини айтди. Орадан 10 кун ўтгач, Б.Юлдашев синглисининг ҳужжатларини ва дўстининг хизматлари эвазига 10.000 АҚШ долларини ҳадя сифатида келтириб берган. Шундан сўнг Ш.Турдимов ҳужжатларни ва 3000 АҚШ долларини мактаб директорига бериб, А.Юлдашевани инглиз тили ўқитувчиси сифатида ишга қабул қилиш лозимлигини айтди.
Тергов жараёнида хоким томонидан берилган пуллар ва ҳужжатлар калбаки эканлиги аниқланган.
Қилмишни жиноят қонунчилигига кўра квалификация қилинг.
18 казус
Х.Каюмов мулкий наф кўриш мақсадида таъсисчилиги ва раҳбарлигида “Nam Textile Servis” масъулияти чекланган жамиятини Наманган шаҳар “Ягона дарча” марказидан 19.04.2017 йилда рўйхатдан ўтказиб, жамиятнинг тасдиқланган Низомига асосан фаолиятнинг предмети бўлиб бошқа ички кийимлар ишлаб чиқариш ҳисобланса-да, ушбу фаолият тури билан шуғулланмай, жамиятга импорт шартномалар асосида Хитой Халқ Республикасидан 2017 йил 15 июль куни олиб келинган соф оғирлиги 20.732 кг фактура қиймати 7.747,64 АҚШ доллари эквивалентдаги 31.102,9 минг сўмлик тикувчилик маҳсулотларини ишлаб чиқаришга йўналтирмай, маҳсулотларни белгиланмаган жойларда нақд пул маблағларига сотиб юбориб, уставида кўрсатилган фаолиятни амалга ошириш мақсадини кўзламасдан, давлат бюджетига солиқларни камайтириб тўлаш мақсадини кўзлаб сохта тадбиркорлик фаолияти билан шуғулланган.
Бундан ташқари, Х.Каюмов ўзининг жиноий ҳаракатларини давом эттириб, таъсисчилиги ва раҳбарлигида ташкил этилган “Nam Textile Servis” масъулияти чекланган жамиятини ер майдони, ишлаб чиқариш жойи, бино-иншоот ва ускуналари бўлмагани холда, жамиятга импорт шартномалари асосида хорижий давлатлардан ишлаб чиқариш ва қайта ишлаш мақсадида олиб келинган тикувчилик маҳсулотларни ишлаб чиқаришга йўналтирмасдан, маҳсулотларни белгиланмаган жойларда нақд пул маблағларига сотиб юбориб, Ўзбекистон Республикаси Президентининг 28.01.2009 йилдаги “Маҳаллий озиқ-овқат истеъмол товарлари ишлаб чиқаришни кенгайтирилишини рағбатлантириш борасидаги қўшимча чора тадбирлар тўғрисида”ги ПҚ-1050-сонли қарори билан белгиланган имтиёзга эга бўлиш мақсадида, божхона органларига жамиятнинг тикувчилик цехи мавжудлиги юзасидан сохта маълумотлар тақдим этиб, имтиёзлар ҳисобига олиб келинган 31.102,9 минг сўмлик тикувчилик маҳсулотларини божхона чегарасидан ўтказиб, давлат бюджетига тўланиши лозим бўлган 191.956,1 минг сўм божхона тўловларини тўламай, божхона тўғрисидаги қонун ҳужжатларини жуда кўп миқдордаги қийматда бузган.
Бундан ташқари, Х.Каюмов ўзининг жиноий ҳаракатларини давом эттириб, жамиятга қўлланилган 191.956,1 минг сўм имтиёзлар эвазига олиб келинган 31.102,9 минг сўмлик тикувчилик маҳсулотларини ишлаб чиқаришга йўналтирмай, маҳсулотларни дастлабки терговда шахсини аниқлаш имкони бўлмаган шахсларга сотиб юбориб, савдодан тушган жами 240.114,3 минг сўм нақд пул маблағларини НКМга кирим қилмай ва банк муассасасига топширмасдан, Ўзбекистон Республикаси Вазирлар Маҳкамасининг 17.11.2011 йилдаги “Фискал хотирага эга бўлган назорат касса машиналарининг қўлланилишини янада такомиллаштиришга доир қўшимча чора тадбирлари тўғрисида”ги 306-сонли, 05.08.2002 йилдаги “Пул маблағларини банкдан ташқари муомаласини янада қисқартириш чора-тадбирлари тўғрисида”ги 280-сонли қарорлари талабларига зид равишда, нақд пул маблағларини банкдан ташқари айланмасини амалга ошириб, товарлар савдоси ёки хизмат кўрсатиш қоидаларини жуда кўп миқдордаги қийматда бузган.