Т нинг жиноий қилмишига ҳуқуқий баҳо беринг. Жиноят таркиби зарурий ва факульатив белгилари юридик таҳлил қилинг? Жиноят таркиби зарурий ва факульатив белгилари ўзаро муносабатини қандай? Жавобингизни асосланг

Жиноят субъектининг ҳаракатларини жиноят қонунчилигига кўра квалификация қилинг.
11 казус
2020 йил 29 февраль куни Ўзбекистон фуқароси М. Ўзбекистон Республикаси давлат чегарасидан Қозоғистонга ўтиш жараёнида ўз ҳаракатлари билан божхона ходимларида шубҳа уйғотади. Шунда унинг автомашинаси диққат билан текширила бошланади. М. ўз навбатида божхона хизмати ходимларига шошиб турганлиги, унинг автомобили текширилиши бутунлай асоссиз эканлигини ва бу ҳолат унинг ҳуқуқларини бузилишидир, деб эътироз билдирилади.
Божхона хизмати ходимлари ўз ҳаракатлари қонун доирасида эканлигини тегишли қонун ҳужжатларига асосланганлигини кўрсатиб, М.нинг автомобилини кўздан кечиришда давом этишди.
Текширув жараёнида М.нинг автомобилидан 8.5 грамм героин наркотик моддаси ҳамда 3 грамм марихуанна топилди. Лекин М. ушбу моддалар унга тегишли эмаслигини айтиб, мазкур автомобилни 1 ой олдин яқин дўсти Д.дан харид қилганлигини, ҳозирда Д. Тожикистоннинг Душанбе шаҳрида истиқомат қилишини таъкидлади.
Қилмишни жиноят қонунчилигига кўра квалификация қилинг.
12 казус
Ф.Холматов, Н.Холматова ва бошқа шахслар ноқонуний йўл билан бойлик орттириш мақсадида, олдиндан жиноий тил бириктириб, бир гуруҳ бўлиб, 2020 йил октябрь ойининг ўрталарида Джурабоева Фируза Рузикуловнани Интернет жаҳон ахборот тармоғи орқали Ўзбекистон ҳудудида расмий равишда рўйхатдан ўтмаган “Riches Сompany” тармоқли маркетинг компаниясига пул тикишга қизиқтириб, ушбу компанияга аъзо бўлган шахсларнинг “Жонли навбат”ини ташкиллаштирганлигини ва барча аъзо бўлган шахсларга навбатма-навбат компанияга тиккан пулларини даромади билан қайтарилишини айтиб, Ф.Джурабоевадан дастлаб 330 АҚШ доллари миқдоридаги пул маблағларини олиб, орадан бироз вақт ўтганидан сўнг унга ушбу пулларини 550 АҚШ доллари миқдорида кўпайтириб бериб, шунингдек 2020 йил 25 ноябрь куни Ф.Джурабоеванинг яна 550 АҚШ доллари (5.728.173 сўм) миқдоридаги пул маблағларини жалб қилиб, мулкий манфаат бериш бўйича зиммаларига мажбурият олиш йўли билан Ф.Джурабоеванинг пул маблағларини жалб этишга доир ноқонуний фаолиятни амалга оширганлар.