Сут ва сутли маҳсулотларнинг ташқи иқтисодий фаолият товар номенклатураси асосида таснифланиши режа

МУЗҚАЙМОҚ

Музқаймоқ – сутга шакар, асал, тухум маҳсулотлари, таъм берувчи ва хушбўй моддалар қўшиш натижасида ҳосил қилинади. Қадоқланишига кўра музқаймоқлар кг ли, донали ва йирик (картон қутилардаги тортлар, кекслар) тарзда қадоқланади. Музқаймоқларни -12С ҳароратда 5 кун сақлаш тавсия этилади.

САРИЁҒ

Сариёғ – қаймоқни махсус ёғ тайёрлаш машиналарида ҳайдаш йўли билан, эритилган сариёғни эса эритиш йўли билан олинади. Сариёғда 81-98% ёғ бўлади. Сариёғнинг чучук, тузли, қўшилмали турлари мавжуд. Қўшилган маҳсулотларига кўра шоколадли, асалли, мевали бўлиши мумкин. Стандарт ҳолда сариёғ хуштаъм, бегона таъм ва ҳидларсиз, 10-12С ҳароратда бир хил консистенцияли, кесилганида усти қуруқ ёки жуда майда нам заррачалари текис тақсимланган, ялтираб туради. Эритилган сариёғ юмшоқ, донадор консистенцияли, эриган ҳолида чўкиндисиз, тиниқ бўлиши керак. Сариёғ целлофан қобиқларга ўралган ҳолда қоғоз қутиларга жойланади ва тараларга қадоқланади. Қадоқланган сариёғ маркировкаланади. Унинг макрировкасида ишлаб чиқарувчининг номи, сариёғнинг тури, нетто оғирлиги, нави, қадоқланган вақти, стандарт рақами, кимёвий таркиби, сақлаш ҳароратлари, 100 г нинг озиқавийлик қиймати, сариёғнинг номи ва штрих код кўрсатилиши лозим. Совуткичларда сариёғ -6Сдан 18С гача бўлган ҳароратда 6 ойдан 12 ойгача сақланади.

ПИШЛОҚ

Пишлоқ – юқори тўйимлиликка эга оқсилли маҳсулот бўлиб, янги, қаймоғи олинмаган ёки меъёрлаштирилган сутдан ишлаб чиқарилади. Сут ачитқи ёрдамида ачитилади. Олинган қуюқ масса зардобини ажратиш учун эзилади, шакл берилади, прессланади, тузланади, 15 кундан 12 ойгача етилтирилади. Пишлоқларни тайёрлашда оқсил моддаларнинг, айниқса казеиннинг миқдори юқорилигига эътибор каратилади. Пишлоқларнинг таркибида 25-30% оқсил, 16-32% ёғ, 1% кальций ва бошқа минерал моддалар ва витаминлар мавжуд. Пишлоқлар тайёрланиш технологиясига мувофиқ жуда кенг ассортиментга эга. Пишлоқларни тайёрланишига кўра қуйидагича таснифлаш мумкин: қаттиқ ширдон пишлоқлар, юмшоқ ширдон пишлоқлар, намакобли пишлоқлар. Пишлоқларни сақлашда алоҳида турдаги хоналар ажратилади ва оптимал ҳарорат 2-8С, нисбий намлик 85-90% ни ташкил этиши лозим.