Сут ва сутли маҳсулотларнинг ташқи иқтисодий фаолият товар номенклатураси асосида таснифланиши режа

3. Стерилизацияланган сут – ўзининг тузилишига кўра пастеризация қилинган сутдан фарқ қилмайди. Стерилизация жараёни автоклавларда 103-142С ҳароратдаги босим билан ўтказилади. Бунда ҳамма микроблар ва уларнинг споралари ўлади. Бундай сутни уй шароитида 10-15 кун сақлаш мумкин бўлади. Стерилизацияланган сут ионитли, виталакт-ДМ турларга ажратилади:
- ионитли сут – сутдаги кальцийни қисман йўқотиш учун ионитлар билан ишлов берилган сутдир. Бундай ишлов беришда сутдан 20% кальций йўқотилади. Ионитли сут нафис, майда, донадор қуюқлик ҳосил қилади. Бу сут эмизикли болаларга мўлжалланган;
- виталакт-ДМ – болалар учун мўлжалланган бўлиб, кимёвий жиҳатдан она сутига яқинлаштирилган.

ПАСТЕРИЗАЦИЯЛАНГАН СУТНИНГ ТУРЛАРИ:

- меъёрлаштирилган сут таркибидаги ёғ миқдори 2,5-3,2% га етказилган сутдир;

- қайта тикланган сут ёғи олинмаган ёки ёғсизлантирилган қуруқ сут, шунингдек қанд қўшилмай қуюлтирилган сутдан тайёрланади. Бундай сутда 3,2% ёғ бўлади.

- серёғ сут ёғи олинмаган сутга қаймоқ қўшиш йўли билан таркибидаги ёғ 6% га етказилган сутдир;

- қайнатиб пиширилган сут ёғлилиги 6% бўлиб, ёғи олинмаган сутдан тайёрланади. У юқори ҳароратларда термик ишловдан ўтказилади;

- оқсилли сут қаймоғи олинмай меъёрлаштирилган сутга қуруқ ёки қуюлтирилган сут қўшиб тайёрланади. Унинг таркибида оқсил миқдори оддий табиий сутга нисбатан кўпроқ бўлади;

- витаминлаштирилган сут С витамини қўшилган, қаймоғи олинмай меъёрлаштирилган сутдир;

- ёғсизлантирилган сут қаймоғи олинмаган табиий сутни сепаратордан ўтказиб олинади.

Сутнинг ўрамларида маркировкалашда одатда этикетка, ёрлиқлардан фойдаланилади. Ушбу ёрлиқларда қуйидаги маълумотлар келтирилиши лозим:
ишлаб чиқарувчи корхонанинг номи
маҳсулотнинг тўлиқ номи
литр ҳисобида маҳсулотнинг ҳажми ёки оғирлиги
маҳсулотнинг яроқлилик муддати
стандарт белгиси
ОРГАНОЛЕПТИК КЎРСАТКИЧЛАРИГА КЎРА СУТНИНГ СИФАТИ ҚУЙИДАГИ ТАЛАБЛАРГА ЖАВОБ БЕРИШИ ЛОЗИМ: