Сут ва сутли маҳсулотларнинг ташқи иқтисодий фаолият товар номенклатураси асосида таснифланиши режа

СИФАТ КЎРСАТКИЧЛАРИ
КЎРСАТКИЧЛАРНИНГ ТАВСИФИ
ТАШҚИ КЎРИНИШИ ВА КОНСИСТЕНЦИЯСИ	БЕГОНА АРАЛАШМАЛАРСИЗ БИР ХИЛ ТУРДАГИ СУЮҚЛИК КЎРИНИШИДА БЎЛИШИ ЛОЗИМ.
ТАЪМИ ВА ҲИДИ	СУТГА ХОС БЎЛМАГАН, БЕГОНА ТАЪМ ВА БОШҚА ЁҚИМСИЗ ҲИДЛАРСИЗ БЎЛИШИ ЛОЗИМ. ҚАЙНАТИБ ПИШИРИЛГАН СУТ ПАСТЕРИЗАЦИЯ ҚИЛИНГАНЛИК ТАЪМИГА ЭГА БЎЛИШИ ЛОЗИМ.
РАНГИ	ОҚ, БИРОЗ САРҒИМТИР, ҚАЙНАТИБ ПИШИРИЛГАН СУТНИКИ ОҚИШ САРҒИМТИР, ЁҒСИЗЛАНТИРИЛГАН СУТНИКИ БИРОЗ КЎКИМТИР БЎЛИШИ ЛОЗИМ.

2. Сутли маҳсулотлар, уларнинг таснифи, ассортименти, сифат кўрсаткичлари, маркировкалаш талаблари ва сақлаш шароитлари.
 
Сут маҳсулотлари – бу сутга маълум даражада техник ва технологик ишлов бериш натижасида ҳосил бўлган маҳсулотлардир. Уларнинг ҳосил бўлишига қараб сут маҳсулотлари қуйидагича таснифланади:

• қаймоқ;
• сут-қатиқ маҳсулотлари;
• сутли консервалар;
• музқаймоқ;
• сариёғ;
• пишлоқ.

ҚАЙМОҚ

Қаймоқ – сутнинг ёғли қисмини ташкил этиб, таркибида 59-82,2% сув, 2,5-3% оқсил, 10-35% ёғ ва витаминлар мавжуд. Қаймоқ сутни сепаратордан ўтказиш орқали ҳосил қилинади. Термик ишлов берилишига қараб сут пастеризацияланган ва стерилизацияланган бўлади. Қаймоқнинг таъми ва ҳиди қайнатилган сутники каби бўлиши, бегона ҳидлардан ҳоли бўлиши, ранги оқ ёки сарғимтир оқиш бўлиши лозим. Реализацияга чиқариладиган қаймоқлар 0,25, 0,5 л ҳажмда полимер идишларда ёки қоғозли қутиларда қадоқланади. Пастеризацияланган қаймоқлар 4-8С ҳароратда 36 соат, стерилизацияланган қаймоқлар 1-20С ҳароратда 30 суткагача сақланиши мумкин.

СУТ - ҚАТИҚ МАҲСУЛОТЛАРИ

- сметана – пастеризация қилинган ёки тоза бактериялар билан уютилган қаймоқдан тайёрланади. Сметана таркибида 54,2-82,7% сув, 2,4-2,8 оқсил, 10-40% ёғ, 2,6-3,2% углеводлар, минерал моддалар ва витаминларни сақлайди. 100 г сметананинг энергетик қуввати 116-382 ккал ни ташкил этади. Таркибида ёғ миқдорининг мавжудлигига қараб сметананинг қуйидаги ассортиментлари мавжуд: 30% ёғлиликдаги сметана, 40% ёғлиликдаги сметана, 36% ёғлиликдаги сметана, 25% ёғлиликдаги сметана, 20% ёғлиликдаги сметана ҳамда парҳезбоп 10% ёғлиликдаги сметана. Сметананинг яроқлилик муддати 0-8С ҳароратда 48-72 соатни ташкил этади.