Султонмурод олим, филология фанлари номзоди, “Нақшбандия” журнали бош муҳаррири. «Лисон ут-тайр»нинг

Сидқ ила туз ниятингға офарин!
Саъю олий ҳимматингға офарин! ‒

деб, муножотлари даргоҳида қабул бўлганини айтдилар. Кейин пирлари ҳақида:

Тенгри махфий ҳикмати изҳорида,
Сайр даштида, сулук атворида


Солик оллида қўюптур волидот, ‒
Ким ўзин қутқормай ондин йўқ нажот, ‒

дедилар.
Демак, Шайх Санъоннинг Тарсо қизга ошиқ бўлиши ўзини қутқариш, ўзидан воз кечишнинг кўриниши, воситаси ёки бир баҳонаси эди. Ўрни келгани учун таъкидлаб ўтайликки, тасаввуф шеърияти, жумладан, Навоий ижодида ўзликни топиш масаласи худди ана шундай ўзликдан кечиш тарзида қўйилади. Суфий ўзлигидан (нафсидан, жисмидан, жонидан) кеча боргани сари чинакам ўзликни (аниқроғи, Яратганни) топа боради.

Шундан кейин Раҳрав муридларга бўлган гапни айтди, қушлар унга ҳамроҳ бўлишди, биргалашиб яна пирлари томон йўл олишди. Йўлбошчи худди майсазору сув устида шамолдек учиб борар эди. Тавфиқ гулшани эсган шамол пирга ‒ Шайх Санъонга ҳам таъсир қилган эди. Ундан ҳам гумроҳлик кетиб, руҳида огоҳлик бошланган эди. Зуннорни ечиб ташлади. Унга ҳидоят шамъидан нур етишган эди.
Шайх Санъон яна қайтадан пирлик хирқасини кийди. Асҳоблари билан йўлга тушиб, Каъба сари равона бЎлди.
Хўш, Шайх Санъон-ку Каъбага қайтиб кетаётибди, уни ўзини унутиш даражасига олиб борган, ҳатто, динидан маҳрум этган моҳилиқо ‒ Тарсо қизнинг аҳволи не кечди? У Шайхни исломдан чиқарганию шунча майна қилганига қувониб, Румда кулиб қолавердими?
Йўқ. У туш кўрди. Тушида Исо алайҳиссалом унга келган меҳмоннинг кимлигини билмагани, мезбонликни эплай олмаганини айтиб, Шайх Санъонни топиб, ундан узр сўраш, унинг динига киришни тарғиб этиб турибдилар: «Шайх Санъондек муршиди аҳли замон дайрингга меҳмонликка келди-ю, лекин сен мезбонликни эплай олмадинг. У бечоранинг бошига не-не кунларни солдинг-а. Мана, қара, у бу дунёга меҳмонликни мутлақ тарк этиб, ҳарам, яъни Маккага мезбонликка кетди. Сен ҳам тез олдига бориб, унинг динига кир, узрингни айтиб, тариқатини қабул қил!»
Биринчидан, шоир Исо алайҳиссалом тилидан: