Statik biokimyо

Ishning bajarilishi: 
20 ta toza probirka olib, har biriga 10 ml dan distillangan suv va 2-3 tomchidan Lyugol 
eritmasidan tomiziladi va 10 tadan 2 ta guruhga bo’lib nomerlab qo’yiladi. 2 ta 100 ml li kolba 
olib, 1% li kraxmal eritmasidan 20 ml qo’yib, birinchi kolbaga 5 ml 10% li sulfat kislota, 
ikkinchisiga esa 5 ml 5 marta suyultirilgan so’lak quyiladi. Birinchi kolba og’ziga qaytar 
sovitgich o’rnatib, suyuqlik qaynatiladi, ikkinchisi 400 li termostatga quyiladi. Har 2-3 minutda 
ikkala kolbadagi suyuqlikdan 0,5 ml dan olib avval tayyorlab qo’yilgan probirkalardagi yod 
eritmasi ustiga quyiladi. Probirkadagi suyuqliklarning rangi birin-ketin o’zgarishi kuzatiladi. 
Fermentativ gidroliz qilinganda ham shunday ish qilinadi, so’ngra har ikkala gidrolizat bilan 
Feling reaktsiyasi qilib ko’riladi. Buning uchun kislotali gidrolizat avval neytrallab olinadi. 
 

---

 
Mavzu: Glikogenga doir reaktsiyalar.
Glikogen ba‘zan hayvon kraxmali deb ham ataladi. U ham kraxmalga o’xshash yuqori 
molekulali polisaxarid bo’lib, odam va hayvonlar organizmida (jigardagi miqdori ho’l massasiga 
nisbatan 5%, muskullarda 2% ) zahira oziq sifatida to’planadi. Lekin organizmning oziqlanish 
darajasiga qarab, bu miqdor o’zgarib turadi. 
10-tajriba: Hayvon to’qimalaridan glikogen ajratib olish. 
Organizmda glikogen oqsillar bilan mustahkam bog’langan, to’qimalardan 
ekstraktsiyalanishi qiyin hamda issiq suvda suyultirilgan xlorli sirka kislota yordamida oson 
ajraladigan ko’rinishda bo’lishi mumkin. Hayvon to’qimalarida glikogen hujayra elementlari 
bilan kompleks holatda uchrashi mumkin. Shuning uchun avval to’qima oqsillari qisman 
parchalanadi va shundan keyingina glikogen spirt yordamida ekstraktsiya qilinadi. 
Yuqori hayvonlar organizmida jigar glikogenga boy, shu sababli ko’p hollarda glikogen 
jigardan ajratib olinadi.