Koreys tilida bo’G’IN

KOREYS TILIDA BO’G’IN

Koreys tilida bo'g'in yasash boshqa tillardagidan farq qiladi. Koreys tilida bo'g'in yasashda unli va undosh harflarning joylashishiga etibor berish lozim. Bo'g'in yasashda shuni etiborga olish kerakki, koreys tilida bo'g'in hech qachon unli harflar bilan boshlanmaydi, agar bo'g'inning birinchi harfi unli bo'lsa, bu unlining oldiga "ㅇ"- ng harfi qo'shib yoziladi, lekin bu harf talaffuz qilinmaydi. Misol: 아기 [ agi ], 오이 [ o'i ] kabi. Birinchi so'zda 1- bo'g'in ㅏ unlisi bilan boshlanganligi uchun oldiga "ㅇ" undoshi qo'shildi, ikkinchi so'zda har ikkala bo'g'in oldindan "ㅇ" undoshi qo'yilgan, lekin har ikkala holatda ham "ㅇ" o'qilmaydi.

Demak bo'g'in yasashda undosh harflarning yonidan yoziladigan unlilar va diftonglar quydagilar:
ㅏ, ㅓ, ㅑ, ㅕ, ㅣ, ㅐ, ㅔ, ㅒ, ㅖ
Misol: 가, 너, 미, 개, 씨, 네 kabi.
Bo'g'in yasashda undosh harflarning ostidan yoziladigan unlilar va diftonglar quydagilar:
ㅗ, ㅛ, ㅜ, ㅠ, ㅡ, 의, 외, 와, 위, 워, 왜, 웨
Misol: 고, 누, 쑈, 쓰, 과 kabi.
받침-[padchim]. Yuqorida biz faqat ikki harfdan iborat bo'lgan so'zlarni ko'rib chiqdik. Koreys tilida bir bo'g'in tarkibida 3 ta yoki 4 ta harf ham kelishi mumkin. Bunday holatlarda bo'g'in qanday yozilishini ko'rib chiqamiz. Bo'g'indagi unli harfdan keyin kelgan undosh harf shu bo'g'inning ostidan yoziladi va bu undosh 받침 deyiladi.
Misol: ㅁ ㅣ ㄱ ㅜ ㄱ harflaridan bo'g'in yasab ko'ramiz. Bu so'zda ikkita- ㅣva ㅜ unlilari bor, demak bo'g'inlar soni ham ikkita. Birinchi bo'g'in 미, ikkinchi bo'g'indagi ㅜ birinchi ㄱ ning ostidan joylashadi va 구 hosil bo'ladi. Bu bo'g'inning 3- harfi ㄱ undoshi 받침 [padchim] hisoblanadi va bo'g'inning ostidan yoziladi- 국 tarzida va biz 미국 so'zini hosil qildik. Demak, bo'g'indagi unlilardan so'ng kelgan undosh harflar 받침 [padchim] deb atalar ekan.