Социология фанидан глоссарий Аномия

Фоҳишабозлик – (лотинча prostitution – бўлғамоқ, таҳқирланмоқ).


Гуруҳ – хатти-ҳаракатлари расмий ва норасмий институтлар томонидан бошқариладиган, маълум норма ва қадриятларга эга бўлган, бошқа бирликлардан ўз хусусиятлари билан фарқ қиладиган, бир-бирлари билан ижтимоий муносабатлар тизими билан боғланган кишилар йиғиндисидан иборат бўлган социал бирликдир
Бирламчи гуруҳ- шахснинг бирламчи ижтимоийлашув жараёни ва унинг бошқа гуруҳларга тортилишини таъминловчи кичик гуруҳ (оила,ўсмирлар гуруҳи) лардан бири.
Иккиламчи социал гуруҳ – манфаат юзасидан тузиладиган гуруҳ назарда тутилади. Буларга муайян бир ташкилот, корхона, касаба уюшмаси идораси мисол бўла олади.
Расмий гуруҳлар – ҳуқуқий статусга эга бўлган социал институт, ташкилот қисми ҳисобланадиган мавжуд институт, ташкилотдаги меҳнат доирасида аниқ мақсадга эга бўлган социал гуруҳлардир.
Норасмий гуруҳлар - «психологик гуруҳлар» ёки «социал психологик гуруҳлар» деб аталади. Чунки бу гуруҳларнинг ташкил топиш заминида гуруҳ аъзолари ўртасидаги психологик, ҳиссий муносабатлар ётади. Норасмий гуруҳларнинг пайдо бўлишида вазият ва умумий мафаатлар мажмуи муҳим роль ўйнайди.
Референт гуруҳ – инглизча сўз, «мансуб бўлиш» деган маънони англатади. У индивид онгли равишда кирадиган социал гуруҳларга (иқтисодий, сиёсий, маданий, касбий) нисбатан ишлатилади.
Гуруҳ динамикаси – гуруҳ ҳаётидаги муайян вақт бирлиги ва унинг босқичдан-босқичга ҳаракати давомида юз берадиган ўзгарувчан жараёнлар мажмуаси.
Гуруҳий мутаносиблик – гуруҳ ҳамжиҳатлилигининг ижтимоий-руҳий кўрсаткичи бўлиб, унда гуруҳ аъзоларининг низоларсиз муомала қилиши ва ўзаро мувофиқлик имконияти акс этади.
Гуруҳ тузилмаси - фаолият қатнашчиларининг ўзаро мустаҳкам равишда қайта вужудга келишининг тартибланган тизими.
Социал гуруҳ – ижтимоий аҳамиятга эга бўлган умумий хусусиятга эга инсонлар йиғиндисидир. Буни умумий мақсадлар, умумий манфаатлар, умумий фаолият билан бирлашув сифатида тушуниш лозим
Оломон – умумий манфаатлар юзасидан чекланган муҳитда вақтинчалик тўпланган кишилар бирлиги. Хусусиятлари: таъсирчанлик, анонимлик, кутилмаганда ўз-ўзидан пайдо бўлиш, мустаҳкамлик.