Социология фанидан глоссарий Аномия

Ҳаракатчанлик масофаси (дистанцияси) – бу индивидлар томонидан юқорига кўтарилган ёки пастга тушишга мажбур бўлинган пиллопоялар сонидир. Меъёрий масофа (дистанция) – бир-икки пиллопоя тепага ёки пастга ўтишдир, номеъёрий масофа эса социал пиллапоянинг юқорисига кутилмаган даражада кўтарилиш ёки пастга тушишдир.
Авлодлараро социал ҳаракатчанлик – фарзандлар ота-оналарига нисбатан ўз социал мавқеларини юқорироқ кўтаришларини, ёки, аксинча, пастроқ туширишларини англатади. Масалан, кончининг фарзанди мухандис бўлиб етишса ёки корпорация президентининг ўғли оддий ишчига айланса авлодлараро ҳаракатчанликни кўришимиз мумкин.
Авлод ичидаги социал ҳаракатчанлик – бир индивид ўзининг умри давомида социал мавқеини бир неча марта ўзгартирганда намоён бўлади. Бошқача айтганда, у социал карьера деб деб аталади.
Адаптация (мослашув) – бу мувозанатни сақлаш, социал тизимнинг атроф-муҳитга мослашуви, уни бошқариш билан боғлиқ тушунча Мақсадга эришиш учун жамиятдаги аъзолар ўз мақсадини аниқ билиши, бу мақсадга эришиш йўлидаги имкониятлардан тўлиқ фойдалана олиши лозим
Жамият – муайян ҳудудда истиқомат қилувчи, ягона сиёсий ҳокимиятга итоат қиладиган ва ўзларини бошқа қўшни гуруҳлардан фарқлайдиган одамлар гуруҳи.
Постиндустриал жамият – моддий товарлар ишлаб чиқаришдан кўра кўпроқ ахборот ишлаб чиқаришга таянадиган жамият.
Интеграция – тизимнинг таркибий қисмларга ҳамоҳанг бўлиш, ҳамжиҳатлик ва ички тартибни қўллаб-қувватлаш, тизимнинг мувозанатдан чиқишига қаршилик қилишдан иборатдир
Тоталитаризм – сиёсий бошқарув шакли, унда бутун ҳокимият унинг сиёсатидан норози бўлганларни террор қилувчи, ўзининг содиқ одамларига таянувчи диктатор қўлида жамланади.
Фуқаролик жамияти – мазкур мамлакатнинг ҳар бир фуқаросига иқтисодий ва сиёсий турмушини ўз ихтиёри асосида қуришга тўла эркинликни кафолатловчи маълум ижтимоий тизим.
Фаровонлик (мўл-кўллик) жамияти – (Кўпроқ Ғарбда; Скандинавия давлатини мисол келтириш мумкин).