Sifat menejmenti va maxsulotlar xavfsizligi

III. “O‘zdavstandart” ning faoliyati
Oldingi tahrirga qarang.
8. “O‘zdavstandart” markazi o‘zining ishlab chiqarish-xo‘jalik, moliyaviy faoliyatini ishlab chiqiladigan yillik va uzoq muddatli dasturlar va prognozlar asosida tashkil qiladi va rivojlanish istiqbollarini belgilaydi.
(8-band O‘zbekiston Respublikasi Vazirlar Mahkamasining 1994-yil 12-avgustdagi 410-sonli qarori tahririda)
Oldingi tahrirga qarang.
9. “O‘zdavstandart” markazi o‘z faoliyatida O‘zbekiston Respublikasi vazirliklari, idoralari, uyushmalari, konsernlari, davlat boshqaruvining boshqa organlari bilan bevosita hamkorlik qiladi.
(9-bandning birinchi xatboshisi O‘zbekiston Respublikasi Vazirlar Mahkamasining 1994-yil 12-avgustdagi 410-sonli qarori tahririda)
“O‘zdavstandart” faoliyatiga Vazirlar Mahkamasi rahbarlik qiladi.
10. “O‘zdavstandart” rahbariyati o‘z tasarrufidagi tashkilotlarning huquqlarini O‘zbekiston Respublikasining amaldagi qonunlariga muvofiq holda himoya qilishni ta’minlaydi, davlat hokimiyati va boshqaruvining markaziy, mahalliy organlarida ularning manfaatlarini himoya qiladi, shuningdek, O‘zbekiston Respublikasining qonunchilik aktlariga zid bo‘lmagan boshqa funksiyalarni bajaradi.
11. “O‘zdavstandart” o‘z nomidan shartnomalar tuzishi, bank kreditidan foydalanishi, xorijiy banklarning tijorat kreditlarini jalb etishi, qonunda ruxsat etilgan tashqi iqtisodiy faoliyatni amalga oshirishi mumkin. Shuningdek, u o‘z huquqlari doirasida ham respublikada, ham uning tashqarisida vatanimizdagi va xorijiy birlashmalar, korxonalar, firmalar bilan, shuningdek, alohida fuqarolar bilan har qanday bitimlar (tashqi savdo, kredit, veksel bitishuvlari) va boshqa yuridik aktlar tuzishi, qimmatdor qog‘ozlar bozorida qatnashishi, Vazirlar Mahkamasi bilan kelishgan holda qo‘shma korxonalar, shu jumladan, mamlakatimizdagi va chet ellardagi xorijiy firmalar, kichik korxonalar (firmalar, markazlar) barpo etishi, boshqa korxonalar (tashkilotlar) bilan munosabatlarda o‘z tasarrufidagi tashkilotlarning manfaatlarini himoya qilishi mumkin.