Sifat menejmenti va maxsulotlar xavfsizligi

IV. “O‘zdavstandart”ning huquq va burchlari
12. “O‘zdavstandart”ga quyidagi huquqlar beriladi:
Oldingi tahrirga qarang.
mahsulotni standartlashtirish, metrologiya, sinash va sertifikatlashtirish masalalarini hal qilishda davlat boshqaruvi organlari, tegishli vazirliklar, idoralar, uyushmalar, konsernlar, korxonalar, tashkilotlar, jamoat birlashmalari jalb qilinsin.
(12-bandning ikkinchi xatboshisi O‘zbekiston Respublikasi Vazirlar Mahkamasining 1994-yil 12-avgustdagi 410-sonli qarori tahririda)
respublika vazirliklari, idoralari, uyushmalari, konsernlari, korxonalari, tashkilotlari, ilmiy-texnika jamiyatlari, matlubot jamiyatlaridan “O‘zdavstandart” zimmasiga yuklatilgan vazifalarni bajarish uchun zarur bo‘lgan materiallarni olish;
vazirliklar, idoralar, uyushmalar, konsernlarning mas’ul xodimlaridan, korxonalar va tashkilotlarning, shu jumladan, O‘zbekiston Respublikasi hududida joylashgan xorijiy sheriklar bilan birgalikda ochilgan qo‘shma korxonalar va tashkilotlar rahbarlarining standartlash, metrologiya, mahsulotni sinash va sertifikatsiyalash masalalari bo‘yicha axborotlarini tinglab borish;
respublika xalq xo‘jaligi uchun muhim ahamiyatga ega bo‘lgan standartlash bo‘yicha texnika qo‘mitalari, standartlash, metrologiya, mahsulotni sinash va sertifikatsiyalash muammolarini ko‘rib chiquvchi muvaqqat ilmiy-texnika komissiyalarini tuzish;
standartlar, texnikaviy shartlar va metrologiya qoidalarini buzganlik uchun javobgarlik to‘g‘risidagi Nizom ishlab chiqilgunga qadar korxonalarga va tashkilotlarga nisbatan standartlarni, texnikaviy shartlarni va metrologiya qoidalarini buzganlik uchun sobiq SSSRning boshqaruv organlari tomonidan tasdiqlangan sanksiyalarni qo‘llanish yuzasidan amaldagi huquqiy normalarga muvofiq, davlat nazorati natijalari bo‘yicha huquqiy choralar va iqtisodiy sanksiyalarni qo‘llanish;
mahsulotning texnikaviy darajasini va sifatini ta’minlamaydigan hamda iste’molchilarning talablariga va amaldagi qonunchilikka zid bo‘lgan me’yoriy-texnika hujjatlarining amal qilish muddatini bekor qilish, cheklash yoki qayta ko‘rib chiqish to‘g‘risidagi qarorlarni bajarish yuzasidan majburiy qarorlar qabul qilish.