O‘ZBEKISTON DAVLAT STANDARTLASh, METROLOGIYA VA SERTIFIKATSIYALASh MARKAZI (“O‘ZDAVSTANDART”) TO‘G‘RISIDA
NIZOM
I. Umumiy qoidalar
1. O‘zbekiston davlat standartlash, metrologiya va sertifikatsiyalash markazi (“O‘zdavstandart”) davlat boshqaruv organi bo‘lib, standartlash, metrologiya va sertifikatsiyalash masalalariga ixtisoslashgan hamda davlat va uning qatnashchilari manfaatlarini ko‘zlab xo‘jalik hisobi, o‘zini o‘zi mablag‘ bilan ta’minlash va o‘zini o‘zi boshqarish prinsiplari asosida, shuningdek, O‘zbekiston Respublikasi budjetidan ajratiladigan mablag‘ hisobiga birgalikda faoliyat ko‘rsatadigan tashkilotlarni birlashtiradi.
2. “O‘zdavstandart” O‘zbekiston Respublikasida standartlash, metrologiya va sertifikatsiyalashga rahbarlik qiladi, uning ahvoli va rivojlanishi uchun javob beradi, O‘zbekiston Respublikasi Davlat standartlash tizimining Asosiy prinsiplariga muvofiq bu sohada yagona texnika siyosatini shakllantiradi va belgilaydi.
“O‘zdavstandart” sobiq SSSR Davlat standartining O‘zbekiston Respublikasidagi huquqiy vorisidir. Uning zimmasiga O‘zbekiston Respublikasining standartlash, metrologiya va sertifikatsiyalash masalalari bo‘yicha milliy organi funksiyasini bajarish yuklatilgan.
3. “O‘zdavstandart”ga markaz tarkibiga kiruvchi, mustaqil balansga ega bo‘lgan, “O‘zdavstandart” tuzilgan paytda qaror topgan xo‘jalik faoliyatining hamma turlarini saqlab qolgan, yuridik shaxs huquqiga ega bo‘lgan tashkilotlar bo‘ysunadi.
Oldingi tahrirga qarang.
4. “O‘zdavstandart” markazi tarkibiga kiruvchi tashkilotlar o‘z faoliyatini O‘zbekiston Respublikasining “O‘zbekiston Respublikasida korxonalar to‘g‘risida”, “Standartlashtirish to‘g‘risida”, “Metrologiya to‘g‘risida”, “Mahsulotlar va xizmatlarni sertifikatlashtirish to‘g‘risida” O‘zbekiston Respublikasi qonunlariga, mazkur Nizomga va “O‘zdavstandart” markazi tomonidan tasdiqlangan korxonalar va tashkilotlarning ustavlariga muvofiq amalga oshiradilar.
(4-band O‘zbekiston Respublikasi Vazirlar Mahkamasining 1994-yil 12-avgustdagi 410-sonli qarori tahririda)
5. “O‘zdavstandart” yuridik shaxs bo‘lib, bank muassasalarida so‘m va chet el valyutasida o‘zining maxsus schyotini ochadi. Mablag‘larning tushum va xarajatlar hisobi so‘m va chet el valyutasida alohida olib boriladi. “O‘zdavstandart” korxonalar egasi, ijara hamda qonunda nazarda tutilgan boshqa asoslarda alohida mulkka, mustaqil balansga ega bo‘ladi, o‘z nomidan mulkiy huquqqa ega bo‘lishi, sud yoki hakamlik sudida da’vogar va javobgar bo‘lishi mumkin. “O‘zdavstandart” o‘ziga tegishli bo‘lgan, qonunchilik bo‘yicha jazolanishi mumkin bo‘lgan mulk yuzasidan o‘z majburiyatlari bo‘yicha javob beradi.
Davlat va uning organlari “O‘zdavstandart” majburiyatlari bo‘yicha va “O‘zdavstandart” davlat va uning organlari majburiyatlari bo‘yicha javob bermaydilar.
6. “O‘zdavstandart” o‘z shtampi, firma blankasi va boshqa rekvizitlarga, shuningdek, O‘zbekiston Respublikasining Davlat gerbi tasvirlangan hamda o‘z nomi o‘zbek va rus tillarida yozilgan muhrga ega bo‘ladi.
“O‘zdavstandart” Toshkent shahrida joylashgan.
“O‘zdavstandart” belgilangan tartibda Respublikaning boshqa shaharlarida va uning tashqarisida o‘z korxonalari va tashkilotlarini, filiallari va bo‘limlarini, kichik korxonalarini ta’sis etishi mumkin.
Do'stlaringiz bilan baham: |