|
II. “O‘zdavstandart”ning maqsadi va vazifalari
Oldingi tahrirga qarang.
7. Quyidagi vazifalarni amalga oshirish yo‘li bilan mahsulotlarning raqobatbardoshligini oshirishda respublika xalq xo‘jaligiga ko‘maklashish, standartlashtirish, metrologiya va sertifikatlashtirishni rivojlantirish maqsadida O‘zbekiston Respublikasi Davlat standartlari tizimi, Sertifikatlashtirish milliy tizimining faoliyatini ta’minlash va takomillashtirish “O‘zdavstandart” markazining bosh vazifasi hisoblanadi.
standartlarda va texnikaviy shartlarda mahsulot sifatiga, aholining hayoti va sog‘lig‘i uchun xavfsizlikni, atrof muhitni muhofaza etishni ta’minlashga qaratilgan jarayonlar va xizmatlarga, mahsulotning mosligi va o‘zaro almashuvchanligiga majburiy talablar qo‘yish, resurslarni tejash;
idoraviy bo‘ysunishidan va mulkchilik shaklidan qat’i nazar, davlat, kooperativ, ijara, aksionerlik, qo‘shma hamda boshqa korxonalar va tashkilotlarda sifatni davlat tomonidan baholash, nazorat qilish, bundan maqsad odamlarning hayoti va sog‘lig‘i xavfsiz bo‘lishi, atrof muhitni muhofaza qilish, mahsulotning mosligi va bir-birining o‘rnini to‘ldirishi resurslarni tejashi bilan bog‘liq bo‘lgan standartlar va texnikaviy shartlarning majburiy talablariga taalluqli davlat va iste’molchilarning talablarini himoya qilish, shuningdek, eksportga chiqariladigan va import bo‘yicha keltiriladigan mahsulot sifatini davlat tomonidan nazorat qilishdir;
mahsulotni, birinchi navbatda majburiy sertifikatsiya qilinadigan oziq-ovqat tovarlari va qishloq xo‘jaligi mahsulotini hamda eksportga chiqariladigan mahsulotni sinash va sertifikatsiyalash ishlarini tashkil etish;
respublika standartlarini va ularga o‘zgartishlarni tasdiqlash, davlat ro‘yxatiga olish, korxona mahsuloti (xizmatlar)ga texnikaviy shartlarni, standartlarni va ularga o‘zgartishlarni davlat ro‘yxatiga olish;
respublika xalq xo‘jaligini normativ hujjatlar bilan ta’minlashni tashkil etish;
o‘lchovlarning yagonaligi va ishonchliligini, fizik kattaliklar birligi etalonlarini tegishli darajada saqlash za rivojlantirishni ta’minlash;
davlat metrologiya nazorati;
moddalar va materiallarning standart namunalarini attestatsiyadan o‘tkazish ishlarini tashkil etish;
o‘lchovlarning namunaviy vositalarini ishlab chiqarish va yuqori darajada aniq o‘lchov texnikasini tuzatish;
“O‘zdavstandart” markazi sinov bo‘linmalari (markazlari) ni attestatsiya va akkreditatsiya qilish “O‘zdavstandart” standartlash va metrologiya markazlarini, shuningdek, idoraviy metrologiya xizmatlarini, sinash markazlarini, o‘lchov, analitik, kalibrlash laboratoriyalarini akkreditatsiyalash;
standartlash, metrologiya, sertifikatsiyalash sohasidagi tadqiqotlar;
standartlash, metrologiya, mahsulotni sinash va sertifikatsiyalashning asosiy yo‘nalishlarini, istiqbolli rejalarini va rivojlantirishning uzoq muddatli istiqbollarini ishlab chiqish;
standartlash, metrologiya va sertifikatsiyalash sohasida Qonunchilik aktlarini ishlab chiqish bo‘yicha takliflar kiritish;
standartlash, metrologiya, mahsulot sifatini boshqarish, sinash va sertifikatsiyalash sohasidagi yutuqlarning ilmiy-texnikaviy targ‘iboti;
mahsulotni davlat yo‘li bilan nazorat qilish va sertifikatsiyalash natijalarini tahlil etish hamda shu asosda mahsulotning sifatini va raqobatdorligini oshirish va sifatni ta’minlash tizimini takomillashtirish bo‘yicha takliflar ishlab chiqish;
“O‘zdavstandart” tashkilotlarining ishlab chiqarish bazasini rivojlantirishning, kengaytirish, qayta qurish va texnika bilan qayta qurollantirish va kapital qurilishning umumiy vazifalarini hal etish uchun investitsiya sohasidagi yagona strategiyani ro‘yobga chiqarish;
standartlash, metrologiya va sertifikatsiyalash sohasida chet el firmalari bilan tashqi iqtisodiy aloqalarning va ilmiy-texnikaviy hamkorlikning yangi shakllarini rivojlantirish;
standartlash, metrologiya, sifatni boshqarish, mahsulotni sinash va sertifikatsiyalash sohasida ilmiy va muhandis-texnik kadrlar tayyorlash;
standartlar va davlat metrologiya nazorati (davlat nazoratining avtomatlashtirilgan boshqaruv tizimi) ustidan davlat nazoratining avtomatlashtirilgan tizimini yaratish;
vazirliklar, idoralar, uyushmalar, konsernlar, korxonalar, tashkilotlar, kooperativlarning standartlash, metrologiya, mahsulotni sinash va sertifikatsiyalash sohasidagi faoliyatiga metodik rahbarlik qilish va uni muvofiqlashtirish;
parallelizmga va tekshirishlarning bir-birini takrorlashiga yo‘l qo‘ymaslik maqsadida standartlar va davlat metrologiya nazorati ustidan davlat nazoratini amalga oshirayotganda qonunchilikka rioya qilish masalalari yuzasidan huquqni muhofaza qilish va nazorat organlari bilan birgalikda harakat qilish.
O‘zbekiston davlat standartlash, metrologiya va serifikatsiyalash markazining ruxsati bilan tekshirish uchun aniq topshiriqni ko‘rsatgan holda “O‘zdavstandart” tashkilotlari tomonidan savdo va xizmatlar ko‘rsatish korxonalarida, ular qaysi idoraga bo‘ysunishlari va mulkchilik shakllaridan qat’i nazar, tekshirishlar o‘tkazish;
sertifikatlashtirishni amalga oshirish bo‘yicha umumiy qoidalarni belgilash;
sertifikatlangan mahsulotda standartlarga rioya qilinishi, bir turdagi mahsulotlarni sertifikatlashtirish bo‘yicha akkreditatsiya qilingan organlar va sinov laboratoriyalari (markazlari) tomonidan sertifikatlashtirish qoidalariga rioya qilinishi ustidan davlat tekshiruvi va nazoratini amalga oshirish;
sertifikatlanishi shart bo‘lgan mahsulotlar ro‘yxatini aniqlash.
(7-band O‘zbekiston Respublikasi Vazirlar Mahkamasining 1994-yil 12-avgustdagi 410-sonli qarori tahririda)
Do'stlaringiz bilan baham: |
