Ўсиб келаётган ёш авлод жисмоний тарбияси ва спортда инновацион технологиялар

Ишнинг мақсади: Ўрта масофаларга югурувчи хотин-қизлар тренировка жараёнини 
бошқаришнинг самарадорлигини энерготаъминот тизимларидаги адаптация қонуниятларига
асосланиб, ишлаб чиқилган инновацион педагогик технологияни амалиётга жорий этиш 
натижасида ошириш. 
Тадқиқот вазифалари: 
1. Инновацион педагогик технологияда хар-бир спортчининг функционал холатини, 
энерго-таъминот тизимининг юкламага бўлган реакциясини ва тикланиш давомийлигини 
тезкор аниқлаш асосида тренировка микроциклларида юклама воситалари, бажариш усуллари 
ва дам олиш давомийлигини тезкор режалаштириш. 
2.Ўрта масофаларга югурувчи хотин-қизларнинг тренировка жараёнини аниқ 
бошқарувчи ишлаб чиқилган инновацион педагогик технологиянинг самарадорлигини 
спортчиларнинг мусобақаларда кўрсатган спорт натижалари билан амалий исботлаб бериш. 
Тадқиқотни ташкил этиш ва ўтказиш. Тадқиқот енгил атлетика бўйича миллий терма 
жамоа аъзолари ва терма жамоага номзод хотин-қизларда 1978-1989, 1999-2019 йиллари 
ўтказилди. 
Тадқиқот методлари: Қўйилган вазифаларни ҳал қилиш учун қуйидаги методлардан 
фойдаландик: педагогик кузатиш, педагогик назорат синовлари, педагогик тажриба, 
С.А.Душанин ва бошқалар (1986 й) усулида электрокардиография, С.С.Руми (1986 й) усулида 
сейсмокардиография ва математик статистика. 
Тадқиқот натижалари: Енгил атлетика бўйича миллий терма жамоа аъзолари ва терма 
жамоага номзод хотин-қизларнинг хар-бир тренировкасидан олдин электрокардиограмма ёзиб 
олиб, спортчининг дастлабки функционал холати аниқланди.  
Тренировка жараёнини – бажарилган юкламаларнинг физиологик йўналишлари ва 
спортчилар организмининг юкламага бўлган жавоб реакциясини тезкор назоратда аниқлаб, 
тренировкада қўйилган вазифа бажарилдими, йўқлигини амалий исботлаб бердик ва қўйилган 
вазифани бажариш учун қандай воситалар уларнинг хажми, шиддати машқларнинг бажарилиш 
усули ва дам олиш давомийлиги хар-бир спортчининг айнан шу пайтдаги функционал ҳолатига 
мос келадиган қилиб тавсия қилдик.
Юрак фаолияти рационаллиги мониторинги сейсмокардиография ёзиб олиш ва уни 
таҳлил қилиш билан амалга оширилди.
Инновацион педагогик технологияда хар-бир спортчининг функционал ва жисмоний 
тайёргарлигидаги бўш қирраларини аниқлаб ва уларни бартараф этиш дастурини тавсия қилдик. 
Мусобақа фаолиятида иштирок этадиган энерго-таъминот тизимининг зарбдор 
юкламадан кейин суперкомпенсация фазасигача тикланиш давомийлигини аниқлаб, хар-бир 
спортчини мусобақага соатигача аниқликда «спорт формасида чиқариш дастурини ишлаб чиқиб
тавсия қилдик. 

---