Ўсиб келаётган ёш авлод жисмоний тарбияси ва спортда инновацион технологиялар

Инновационные технологии в спорте и физическом воспитании подрастающего поколения 
Материалы республиканской научно-практической конференции с международным участием
 
74 
mustahkamlash bo‘yicha amalga oshiriladigan ishlarni izchil kuchaytirishga molik islohotlar va xayrli 
ishlar olib borilayapti. 
Bundan tashqari, yurtboshimiz tashabbusi bilan mamlakatimizda xotin-qizlar o‘rtasida sportni 
keng rivojlantirish borasida bir qator ishlar amalga oshirilmoqda: yoshlar o‘rtasida sog‘lom turmush 
tarzini qaror toptirish, ularni ichkilikbozlik va giyohvandlik illatlaridan, boshqa turli halokatli tahdidlar 
hamda biz uchun yot bo‘lgan diniy va ekstremistik ta’sirlardan, tuban “ommaviy madaniyat” 
hurujlaridan himoya qilishga doir kompleks chora tadbirlarni amalga oshirilayapti. 
Haqiqatdan ham, mustaqiligimiz sharofati bilan Vatanimiz hamma sohalarda o‘sishga erishdi. 
Mamlakatimiz millatlararo hamjihatlik va jamiyatni rivojlantirish yo‘lida amalga oshirilayotgan 
islohotlar O‘zbekistonimiz nufuzini ko‘klarga ko‘tardi, salohiyatini yanada oshirdi. Birgina sport 
tizimida davlatimizning ilk qonunlaridan biri “Jismoniy tarbiya va sport to‘g‘risida”gi, dastlabki ta’sis 
etilgan mukofotlardan biri “Sog‘lom avlod uchun” ordeni ekanligi hukumatimizning yoshlarimizni 
ma’nan yetuk va jismonan barkamol avlodlar qilib voyaga yetkazishdagi sa’y-harakatlari 
samarasidir.(1) 
Endilikda, yuqori natijalar ko‘rsatib, O‘zbekistonimiz nomini ulug‘layotgan sportchilarimiz 
bilan bir qatorda, sportchi qizlarimiz ham munosib taqdirlanishmoqda. Ular “O‘zbekiston iftixori” 
degan yuksak nomga sazovor bo‘lishayapti. Mustaqilligimiz sharofati bilan sportchi xotin-qizlarimiz 
chet ellarga tez-tez borib kelishayapti. Bularning negizida O‘zbekistonda xotin-qizlar jismoniy 
tarbiyasi va sportining rivojlanishiga ulkan shart-sharoitlar yaratilganligi masalasi diqqat markazda 
turibdi.
Xotin-qizlar sportini rivojlantirish masalalari keyingi yillarda juda dolzarb muammo bo‘lib 
kelayapti. Keyingi yillarda sport bilan shug‘ullanayotgan xotin-qizlarimiz soni tobora oshayapti. 
Endilikda ular nafaqat respublika, qolaversa, xalqaro miqyosdagi musobaqalarda ishtirok etishayapti. 
Bugungi kunda xotin-qizlar turron, sambo, dzyudo, kurash, karate, taekvando, og‘ir atletika, futbol, 
chim ustida xokkey kabi ko‘plab sport turlari bo‘yicha yuqori ko‘rsatkichlarga erishayaptilar. Iroda 
To‘laganova (tennis), Oksana Chusovitina (gimnastika), Sofiya Kaspulatova (karate), “Sevinch” qizlar 
futbol komandasi, Nafisa Mo‘minova (shaxmat), Lutsiya Baybulatova (karate) va boshqa yuzlab 
o‘zbekistonlik sportchi qizlarimiz mamlakatimiz dovrug‘ini dunyoga namoyish etdilar.(2) 
Shahar va tumanlarda ayollar o‘rtasida musobaqalar o‘tkazish ham an’ana tusiga kirgan. Bu hol 
joylarda xotin-qizlar sportini yanada ommaviylashishiga yordam bermoqda. Minglab xotin-qizlar 
mahoratlarini oshirish va namoyon qilish barobarida, sog‘liklarini ham mustahkamlashmoqda. 
Barkamol va ko‘rkam avlodlar bo‘lib yetishishmoqda. Buning hammasi yurtboshimizning sport 
sohasida, ayniqsa, xotin-qizlar jismoniy tarbiyasi va sportini rivojlantirishdagi tashabbuskorliklari bilan 
bo‘layotgani qalblarni g‘urur va iftixorga to‘ldirayapti. 
Sport- qizlar salomatligini mustahkamlash bilan birga ularning dunyoqarashini kengaytirib, 
tibbiy madaniyatini yuksaltirmoqda. Mashg’ulotlarda toblangan qizlar oila, jamiyat, Vatan oldidagi 
mas’uliyatini teran anglab, sog’lom va baxtli turmush qurmoqda. Ko’plab qizlar professional sportchi 
bo’lib etishib, mamlakatimiz, qit’a va jahon miqyosidagi musobaqalarda ulkan natijalarga erishmoqda.
O’zbekistonda xotin qizlar sporti va uni rivojlantirish yo’llariga oid ko’pchilik olimlar o’zlarining ilmiy 
tadqiqot ishlarida ko’rsatilgan, ammo hanuzgacha mazkur mavzu aniq bir to’xtamga tadqiq etmagan. 
Adabiyotlar: 
1.Axmedova S. O’zbekiston Respublikasi olib borilayotgan islohotlarda ayollarni roli. T., 
2007. 
2.Inomova S.T. Ayollar, bolalar va oilaviy sportni rivojlantirish. T., 2007.