Ўсиб келаётган ёш авлод жисмоний тарбияси ва спортда инновацион технологиялар

ЎРТА МАСОФАЛАРГА ЮГУРУВЧИ ХОТИН-ҚИЗЛАР ТРЕНИРОВКА ЖАРАЁНИНИ 
ИННОВАЦИОН ПЕДАГОГИК ТЕХНОЛОГИЯДА БОШҚАРИШНИНГ
САМАРАДОРЛИГИ 
Расулова Т. Р., катта ўқитувчи 
Ўзбекистон давлат жисмоний тарбия ва спорт университети, Чирчиқ, Ўзбекистон 
Замонавий юқори натижалар спортида юкламалар биологик имкониятлар чегарисида 
бажарилмоқда. Юқори малакали енгил атлетикачиларни зўриқиш ва хар қандай касалликларга 
чалинишлардан асраб, юқори натижаларга эришишида хар бир енгил атлетикачи учун, айнан 

---

Ўсиб келаётган ёш авлод жисмоний тарбияси ва спортда инновацион технологиялар 
Халқаро иштирокчилар ҳамкорлигида республика илмий-амалий анжумани материаллари
 
75 
хар бир тренировкада индивидуал функционал ҳолатларига мос келадиган воситаларни, 
уларнинг бажарилиш усуллари, машқлар ва шу физиологик йўналишдаги тренировкалар 
орасида дам олиш давомийлигини энерготаъминот тизимларидаги адаптация фазалари 
динамикасининг узлуксиз мониторингининг тезкор таҳлили асосида адаптация 
узлуксизлигини, қисқа муддатли адаптациялардан узоқ муддатли адаптацияларнинг 
шаклланиши - комулятив самарага эришиш ва мусобақаларга суперкомпенсация фазасида 
чиқиб рекорд натижа, ҳеч бўлмаганда ўзининг рекорд натижасини қайтаришини таъминловчи 
қилиб, тўғри танлай олиниши асосий замин бўлиб, спорт оламидаги глобал муаммолардан бири 
хисобланади. 
Ўзбекистон енгил атлетика терма жамоасининг 16 аъзосидан фақат икки нафари
Ситора
Хамидова ва Нигина Шариповалар 
2016 йилда Рио-де Жанейрода бўлиб ўтган ХХХI 
ёзги Олимпиада ўйинларида ўзларининг функционал имкониятлари даражасидаги 
натижаларини кўрсата олгани, муаммонинг долзарблигидан далолатдир. 
Бу муаммо бўйича жуда кўп ишлар амалга оширилган Е.П.Врублевский [1] , 
Е.П.Врублевский, О.М. Мирзоев [2] Цв. Желязков [3] , В.Н.Платонов [4,5,6] ва бошқалар, 
лекин тренировка жараёнини самарали – қисқа муддатли адаптациялардан узлуксиз узоқ 
муддатли адаптацияни шакллантириш ва доимий равишда спорт натижаларини ўстириш бўйича
амалий тавсиялар етарлимас.