Ўсиб келаётган ёш авлод жисмоний тарбияси ва спортда инновацион технологиялар

Ўсиб келаётган ёш авлод жисмоний тарбияси ва спортда инновацион технологиялар 
Халқаро иштирокчилар ҳамкорлигида республика илмий-амалий анжумани материаллари
 
103 
таъсир этганлиги аниқланди. Тажриба гуруҳида қўлланилган мусобақавий машқлар ёрдамида 
шу сифатларни ўта самарали шакллантирилганлиги ўз исботини топди. 
Адабиётлар: 
1.Абдурасулов Р.А. Ўқувчи шахсини шакллантиришда спорт машғу-лотларининг ўрни. 
Монография.-Тошкент.: Фан ва технология. 2013. 7,12 б.т. 
2. Ўзбекистон Республикаси Президенти Ш.М.Мирзиёевнинг “Жисмоний тарбия ва 
спорт соҳасида давлат бошқаруви тизимини тубдан такомиллаштириш чора-тадбирлари 
тўғрисида”ги ПҚ-5368-сон Фармони (2018 йил 5 март). 
AYOLLARNI SPORTGA JALB QILISH - SOG’LOM AVLODNI VOYAGA 
ETKAZISHNING MUHIM OMILI 
Arslonov Q.P. , dotsent 
Buxoro davlat universiteti, Buxoro, O’zbekiston 
Ayol zoti borki hamisha go‘zallikka intilib yashaydi, suyukli yor va mehribon ona bo‘lishni istaydi. 
Buning asosiy omili esa sog‘likdir. Sog’lom ayol sog’lom fikrlaydi.Bu o’z navbatida oilada sog’lom 
hayot tarzini yuzaga keltiradi.Ayol — eng avvalo, ona. U salomat ekan, farzand ham sog‘lom bo’ladi. 
Binobarin, bugungi kunda mamlakatimizda onalik va bolalikni muhofaza qilish uchun barcha zarur 
shart-sharoitlar yaratilgan. “Sog‘lom ona — sog‘lom bola” tamoyili asosida ishlab chiqilgan o‘ziga xos 
tizim bugun salmoqli natijalar berayapti. 2011 yilda O‘zbekiston o‘sib kelayotgan yosh avlod 
salomatligi haqida eng ko‘p g‘amxo‘rlik ko‘rsatayotgan davlatlar o‘ntaligiga kiritilgani buning yorqin 
dalilidir.
Pirovardida ayollarning ijtimoiy, iqtisodiy, siyosiy faolligi yanada oshdi. Bugungi kunda ayollar — 
iqtidorli rahbar, uddaburon tadbirkor, aholi manfaatlarini muhofaza qiladigan ijtimoiy va siyosiy davlat 
arbobidir. Oila mustahkamligi, farzandlar barkamolligi, turmushdagi mehr-muhabbatda ham bu muhim 
o‘rin tutadi. Ayol kishi qancha o’zini go’zal his etadigan bo’lsa unda iroda ham ma’lum miqdorda ortib 
boradi, iroda esa turmush hayotida va kelajakda unga samarali yordam beradi. Xotin-qizlar uchun baxtu 
saodat mezoni bo‘lgan ushbu jihatlarga erishishda sportning o‘rni beqiyos. Sog‘lom farzandning 
dunyoga kelishi oila quvonchi, ota-ona shodligi, butun mamlakat boyligidir. Oilalarga mana shunday 
quvonch ulashishda sog’lom ayol muhim o’rin tutadi.Mamlakatimizda sportni ommalashtirish, 
xususan, xotin-qizlar sportini rivojlantirishda, avvalo, ana shu mezondan kelib chiqib ish tutilmoqda. 
Qizlarni sportga jalb etish borasida alohida e’tibor va yondashuv shakllandi, zarur shart-sharoitlar 
yaratildi. Ular uchun milliy mentalitetimizga xos kiyimlar ishlab chiqarilmoqda, oliy ta’lim 
muassasalarida ayol o‘qituvchi va murabbiylarni tayyorlashga keng o‘rin berilayotir.
Birinchi Prezidentimiz Islom Karimov rahnamoligida mamlakatimizda xotin-qizlarning davlat 
va jamiyat qurilishidagi rolini kuchaytirish, oiladagi mavqeini mustahkamlash, huquqiy, ijtimoiy, 
iqtisodiy manfaatlarini himoya qilishni yanada takomillashtirishga alohida e’tibor qaratilmoqda.
2004 yilda “O‘zbekiston Xotin-qizlar qo‘mitasi faoliyatini qo‘llab-quvvatlash borasidagi 
qo‘shimcha chora-tadbirlar to‘g‘risida”gi Farmoni qabul qilinishi bu boradagi ishlar ko‘lamini yanada 
kengaytirdi. Unga muvofiq, xotin-qizlarni ijtimoiy-huquqiy jihatdan qo‘llab-quvvatlash, onalik va 
bolalikni muhofaza qilish, xotin-qizlarni kasbiy, jismoniy, ma’naviy va intellektual jihatdan o‘stirish, 
ularning ijtimoiy-siyosiy faolligini oshirish, davlat qurilishida faol qatnashishlari sohasidagi 
umummilliy siyosatni amalga oshirish bo‘yicha chora-tadbirlarni ishlab chiqish va uni hayotga tatbiq 
qilish, xotin-qizlarning sog‘lig‘ini saqlash, sog‘lom oilani shakllantirish, ayollar va oila sportini 
rivojlantirish, sog‘lom turmush tarzini targ‘ib qilish bo‘yicha chora-tadbirlar majmuini ishlab chiqish 
hamda amalga oshirish qo‘mita va uning joylardagi bo‘linmalari faoliyatining eng muhim vazifalari 
sifatida belgilandi.
Ayni paytda xotin-qizlarning salomatligini saqlash, har jihatdan mustahkam oilani 
shakllantirish, ayollar va oila sportini rivojlantirish, sog‘lom turmush tarzini qaror toptirish bo‘yicha 
amaliy ishlar ko‘lami tobora kengayib borayotir. 2009 yil 13 aprelda qabul qilingan “Ona va bola 
salomatligini muhofaza qilish, sog‘lom avlodni shakllantirishga doir qo‘shimcha chora-tadbirlar 
to‘g‘risida”gi Qarori asosida ona va bola salomatligini muhofaza qilish chora-tadbirlari 
kuchaytirilmoqda.2010 yil 1 aprelda qabul qilingan “Qishloq joylardagi bolalar sporti obyektlarida 
band bo‘lgan ayol sport ustozlari mehnatini rag‘batlantirish chora-tadbirlari to‘g‘risida”gi Qarori 

---