Инновацион технологиялар Режа: Инноватцион технологиялар тушунчаси

Инновацион технологиялар
Режа:


1.Инноватцион технологиялар тушунчаси
2.Жахонда иктисодиётни ва бошка сохаларни ривожлантиришда инноватцион технологияларнинг ахамияти.
3.Таьлимда инноватцион технологиялардан фойдаланиш.

Бугун биз давлат ва жамият ҳаётининг барча соҳаларини тубдан янгилашга қаратилган инновацион ривожланиш йўлига ўтмоқдамиз. Бу бежиз эмас, албатта. Чунки замон шиддат билан ривожланиб бораётган ҳозирги даврда ким ютади? Янги фикр, янги ғояга, инновацияга таянган давлат ютади.

Инновация – бу келажак дегани. Биз буюк келажагимизни барпо этишни бугундан бошлайдиган бўлсак, уни айнан инновацион ғоялар, инновацион ёндашув асосида бошлашимиз керак
Ш.М.Мирзиёев
“Инновация – бозорга товар шаклида келиб тушадиган, қўлланилиши ишлаб чиқаришда технологияни такомиллаштириш ва чиқарилаётган махсулотни янгилаш имконини берадиган илмий-техник фаолият махсулидир”.
Кўп ҳолларда инновация сўзи “кашфиёт”, “ихтиро” каби тушунчаларнинг синоними сифатида ишлатилади. Бу эса унинг мазмунини англашда чалкашликларга сабаб бўлади. Шу муносабат билан бу борада инновация тушунчасининг моҳиятини аниқлаб олиш учун унинг “кашфиёт”, “янгилик”, “ихтиро” каби тушунчалар билан ўзаро муносабати масаласини семантик таҳлил қилиш мақсадга мувофиқ.
“Янгилик”, “новация” ва “янгилик киритиш” каби тушунчалар кўп ҳолларда инновациянинг синоними сифатида талқин этилади. Инновация муаммосига бағишланган илмий адабиётларда ҳам икки турдаги таъриф илгари сурилади. Биринчи таърифга кўра, инновация – “янги махсулот ёки хизмат, уларни ишлаб чиқариш воситаси, ташкилий, молиявий, илмий-тадқиқот ва бошқа соҳалардаги янгилик, ҳаражатлардаги тежамкорликни таъминлаш ёки шундай тежамкорлик учун шароит яратишга қаратилган ҳар қандай такомиллашув” тарзида тушунилади.
Иккинчи талқинга кўра эса, инновация “татбиқ этиладиган муҳитга янги нисбатан барқарор элементларни олиб кирувчи мақсадга йўналтирилган ўзгаришлар”ни англатади.