Щзбекистон республикаси

5.11-расм. 3151 моделли доиравий жилвирлаш дастгоҳининг умумий кўриниши.

3. Ташқи цилиндрик юзаларга притиркалаб ва суперфинишлаб ишлов бериш усуллари

П ритирлаш (ёки доводкалаш) шундан иборатки, бунда притир ва майда донали эркин абразив ёрдамида суюқ мой муҳитида заготовканинг ишлов бериладиган юзасидан металл заррачалари қириб олинади.
Притирлар қуйидаги материаллардан: кул ранг чўян, рангдор металл ва уларнинг қотишмалари, пластик массалар ва бошқа материаллардан тайёрланади.


5.12-расм. Иккита диск ёрдамида калта цилиндрик деталларни притиркалаш:
а-ўзаро жойлашув схемаси; в-ишлов берилаётган деталларни жойлашиш схемаси.


Притирлаш учун ишлатиладиган абразив материаллар: табиий корунд, электрокорунд, донадорлиги 5-16 бўлган кремний карбид, ГОИ пастаси (76% хром оксид, 22% стеарин, 2% керосин), олмос кукуни, бор карбиди кукуни. Притирлаш ва доводкалаш учун абразив доналари ўлчамини танлаш деталларнинг ишлов бериладиган юзаларининг ғадир-будурлиги ва аниқлигига нисбатан қўйиладиган талабларга боғлиқ бўлади. Притирлаш йўли билан цилиндрик, ясси ва бошқа юзаларига ишлов берилади.
Притирлаш юзага олдиндан ботирилган абразивли притир ёрдамида, суюқ мой муҳитидаги эркин абразив ёрдамида притир билан бириктирилган жут деталларнинг ишлов бериладиган юза орасида кичикроқ босим ҳосил қилиб бир-бирига ишқалаш йўли билан амалга оширилиши мумкин; бу ҳолда икки деталнинг бир–бири билан уринадиган юзалари орасига абразив порошок суртилиб, улар ўзаро ишқаланади (масалан, клапан ости конусларининг притирланиши).
5.12-расмда иш дискларининг жойланиш схемаси кўрсатилган, бу дисклар юзасига сиртқи цилиндрик юзаларини притирлаш учун абразив кукини билан жилолаш суюқлиги аралашмаси ботирилган. Цилиндрик заготовкалар айланувчи дисклар қўйилади. Цилиндрик юзаларни притирлашда қўйим диаметрига 0,005– 0,05 мм ни ташкил этди. Мойлаш суюқлиги сифатида керосин, бензин ва машина мойи ишлатилади.