Щзбекистон республикаси

6.8-расм. Доиравий кеимли сидиргичнинг элементлари кўрсатилган.



6.9-расм. Сидириш йўли билан ишланган ички юзаларнинг шакли.
Доиравий кесимли сидиргич қуйидаги қисмлардан иборат:
Қуйруқ қисм. Сидиргичнинг бу қисми уни дастгоҳ патронига маҳкамлаш учун хизмат қилади. Сидиргич қуйруғининг диаметри, одатда, сидирилувчи тешикнинг диаметридан 0,5-1,0 мм кичик бўлади.
Бўйин ва ўтиш конуси. Бўйин узунлиги заготовкани ўйиш дастгоҳига ўрнатиш учун хизмат қиладиган таянч мосламага боғлиқ бўлади. Бўйин диаметри ишлов бериладиган тешикннг диаметридан 2-4 мм кичик қилинади.
Сидиргичнинг йўналтирувчи қисми кесиш олдидан сидиргични заготовкага нисбатан аниқ марказлаш учун хизмат қилади. Йўналтирувчи қисмнинг диаметри олдиндан ишлов берилган тешикнинг ўлчамлари чегарасида бўлиши керак.
Сидиргичнинг кесувчи қисми жуда кўп кесувчи тишлардан иборат бўлиб, бу тишлар сидиргичлашда қарийиб барча қўйимни кесиб олиш учун мўлжалланган. Кесувчи қисм узунлиги заготовка материалларининг хоссаларига ва ишлов бериладиган тешикнинг узунлигига боғлиқ бўлади.
Сидиргичнинг калибрловчи қисми бир хил диаметрли тўрт-саккиз тишдан иборат бўлади, бу тишларнинг вазифаси сидиргичланаётган тешикни узил-кесил ўлчамга ва талаб этилган тозаликка келтиришдир.
Сидиргичнинг уч қисми сидиргич тишларининг ишлов берилаётган тешикдан чиққунича йўналтириб туриш учун хизмат қилади.

3. Ички цилиндрик юзаларга жилвирлаш ва хонинглаш билан ишлов бериш усуллари, кесувчи асбоблари ва дастгоҳлари

И чки жилвирлаш дастгоҳлари ҳар хил қиёфадаги: очиқ, поғонали,берк, цилиндрик ва конуссимон тешикларни жилвирлаш учун мўлжалланган.
Ички жилвирлаш. Бу усулда цилиндрик ва конуссимон тешикларга ишлов беришда фойдаланилади. Заготоваларнинг ички юзалари икки усул билан жилвирланади; бу усулларнинг бирида ишлов бериладиган заготовка айланса, иккинчисида заготовка қўзғалмайди.
Биринчи усулдан энг кўп фойдаланилади, у анча аниқ ишлашга имкон беради. Биринчи усулда ички жилвирлаш схемаси 6.10-расмда тасвирланган.
Ишлов бериладиган заготовка жилвирлаш тоши айланаётган томоннинг тескарисига айланади. Жилвирлаш тоши ишлов берилаётган заготовка тешигининг ўқи бўйлаб сурилади ва тегишли кесиш чуқурлигигача кўндаланг сурилиш ҳаракатида бўлади.