Щзбекистон республикаси

Суперфинишлаш (нафис доводкалаш) – ишлов бериладиган деталдан жуда тоза юза ҳосил қилиш учун махсус каллак ёрдамида нозик абразив доводкалашнинг бир тури. Нозик доводкалаш учун оқ электрокорунддан, яшил кремний карбиддан керамика ёки бакелит боғловчи асосида тайёрланган абразив брусоклар, шунингдек, металл боғловчили олмос брусоклар ишлатилади. Нозик доводкалаш усулидан тобланган пўлат, тобланмаган пўлат, чўян, рангдор металлар ва уларнинг қотишмаларидан тайёрланган деталларнинг доиравий, ясси, конуссимон (кўпинча сиртқи) юзаларига ишлов беришда фойдаланилади. Заготовка суперфинишланишидан олдин жилвирланиши керак. Суперфинишлашнинг моҳияти шундан иборатки, бунда абразив брусоклар айланётган заготовка юзаси ёки каллак бўйлаб, минутига 5–15 м тезлик билан илгариланма-қайтар ҳаракатда, шу билан бирга, частотаси минутига 200 дан 2000 қўш юриш ва амплитудаси 1–6 мм бўлган тебранма ҳаракатда бўлади; брусокларнинг силжиш тезлиги 0,1-1,1 м/мин бўлади.





5.13-расм. Суперфинишлаш схемаси.

5 .13-расмда суперфинишлаш схемаси келтирилган. Нафис доводкалаш жараёнида брусоклар ишлов берилаётган юзага озгина куч билан сиқилади, бунинг натижасида заготовка қизимайди ва заготовканинг юза қатлами жуда ҳам оз даражада деформацияланади. Мойлаш-совутиш суюқлиги сифатида 5–10 % машина мойи аралаштирилган керосин ишлатилади.

Мустаҳкамлаш учун саволлар

1. 
   Токарлик дастгоҳларда қайси юзалар ҳосил қилинади?
   
2. 
   Қандай токарлик кескичлар мавжуд?
   
3. 
   Қайси токарлик дастгоҳларини биласиз?
   
4. 
   Ташқи доиравий жилвирлаш деб нимага айтилади?
   
5. 
   1К62 моделли токарлик-винтқирқиш дастгоҳи қайси қисмлардан иборат?
   
6. 
   Марказсиз жилвирлаш деб нимага айтилади?
   
7. 
   Ташқи юзалар қайси дастгоҳларда жилвирланади?
   
8. 
   Қайси абразив материалларни биласиз?
   
9. 
   Притирлаш деб нимага айтилади?
   
10. 
    Суперфинишлаш деб нимага айтилади?