Шөлкемлестириў илажлары

§6. Ҳаўа линиялары ҳәм жасылдан сақлаў трослары арқалы
жоқары частоталы байланыс.
460. Бөлистириўши қурылмаларда ямаса кернеўи 1000 В тан жоқары ҳаўа линияларында жайласқан жоқары частоталы үскенелерди эксплуатация ислеў, оңлаў ҳәм регулировка жумысларын кеминде 2 адам, олардиң бири IV-топарға ийе болған хызметкер тәре-пинен әмелге асырылыўы зәрүр.
461. III-топарға ийе болған бир хызметкер резиналы диэлектрик гилемшеде турып ислеп турған аппаратлардың панеллерин (блокларын) ашып ислеўге рухсат етиледи.
Жумыс баслаўдан алдын жалғаўшы жоқары частоталы тармақта кернеў жоқлығын тек-сериў шәрт. 42 Вольттан жоқары кернеўде ислеў қадаған етиледи.
462. Сигналларды қайта ислеп беретуғын элементлерден ҳәм ҳаўа линияларынан кернеў алып тасланғаннан кейин схемаларға өзгерислер киргизиў, жоқары частоталы тракты ажыратып ҳәм жыйнап ондағы насазлықларды оңлаў мүмкин. Тармақтағы жалғама бай-ланыс фильтри ҳәм кабелде жумыс ислеў ушын байланыс конденсаторының пәстки қапламындағы жалғанған жерге жалғағыш пышағын жалғаў жетерли.
463. Байланыс конденсаторының пәстки қатламасына жалғанған жерге жалғағыш пышағын жалғамай турып, қорғаў үскенелери, аппаратура ҳәм ҳаўа линиясына жалғанған басқа частоталы үскене элементлериндеги жерге жалғағыш сымын ажыратыў қадаған етиледи.
464. Байланыс конденсаторы менен жалғама байланыс фильтри аралығындағы шынжырға өлшеў әсбапларын жалғаў ҳәм усы әсбапларды өшириўге рухсат тек байланыс конден-саторының төмендеги қапламасына жалғанған жерге жалғағыш пышағын жалғағаннан кейин ғана бериледи. Өлшеў әсбапларын бир неше мәрте өшириў ҳәм жалғаў керек болғанда ҳәр дайым конденсаторлардың пәстки қапламасы жерге жалғаныўы шәрт.
Бир саатқа шекем созылатуғын өлшеў жумысларын IV-топарға ийе болған тез-ара оңлаў хызметкери бақлаўы астында IV-топарға ийе бир адам бийлик пенен әмелге асы-рыўы мүмкин. Бул өлшеў жумыслары жалғама байланыс фильтри ишинде разрядникти (жасыл қайтарғышты) өширместен байланыс конденсаторының пәстки қапламасына жалғанған жерге жалғағыш пышағын жалғамай әмелге асырыў зәрүр. Бунда өлшеў әс-баплары жерге жалғанған болыўы, өлшеў жумыслары электр қорғаў қуралларынан (ди-электрик етик ҳәм қолғап, дәстеси изоляцияланған әсбапларынан) пайдаланып ислеўи шәрт.