Шөлкемлестириў илажлары

I-бап. Тийкарғы түсиниклер ҳәм терминлер.
1. Ҳәрекеттеги қағыйдада төмендеги түсиниклер ҳәм терминлер ислетиледи:
административ-техникалық хызметкер – район энергетика басқармалары (бирлеспе-лер), кәрханалар, цехлар, лабораториялар, район электр тармақлары ҳәм бөлимлери бас-лықлары, бөлим ҳәм хызмет баслықлары, олардың орынбасарлары хәмде административ ўазыйпалар жүкленген инженер, техник ҳәм усталар.
бригада (наряд ямаса бийлик пенен) – қурамында жумыс алып барыўшы ямаса бақлаўшысын қосып есаплағанда еки ҳәм оннан көп ағзалары болған.
жоқарыда орынланатуғын жумыслар – жумыс төселме, жоқары ямаса жер бетинен 5 метр ҳәм оннан жоқары бийикликте монтаж қураллары менен ямаса тиккелей конс-трукция бөлимлеринде, үскенелерде, машина ҳәм механизмлерде турып орынланатуғын жумыслар. Бундай жағдайда жумыстың барлық түрлеринде ҳәм бир орыннан екинши орынға өтиўде ислеўшиниң бәлентликтен жығылыўынан сақлайтуғын жеке қорғаў бел-беўи хызмет етеди.
электр узатыў ҳаўа линиясы (кейин ала - ҲЛ) – ашық ҳаўада жайласқан сымлар арқа-лы электр энергия берилетуғын ҳәм изолятор ҳәм арматуралар жәрдеминде тиреклерге (стойка) ямаса кронштейн ҳәм бағаналар жәрдеминде имаратларға (сооружениеге) (көпир, имарат ҳәм басқаларға) беккемленген үскене.
Элект узатыў ҳаўа линиясы басланыўы ҳәм ақыры деп, тармақ порталы ямаса бөлисти-риўши үскенеге кириўши бөлими есапланады. Бунда порталдағы электр узатыў ҳаўа ли-ниясы тәрепиндеги порталға асылған изоляторлар, ҳәмде сымлар беккемленген қысқыш-лар электр узатыў ҳаўа линиясына тийисли. Усы порталдан жәрдемши станциядағы бөлистириўши үскенелер тәрепине тартылған аспа изоляторлар, басқа порталлар астынан тартылған сым, электр узатыў ҳаўа линиясындағы ҳәр түрли үскенелерге (өширип-қосыў аппаратларына, разъединителлерге, байланыс конденсаторларына ҳәм басқаларға) түсиў-ши сымлар, ҳәмде жоқары жийиликли заградителлер электр узатыў ҳаўа линиясына қарамайды.
кернеўлик тәсири әтирапындағы электр узатыў ҳаўа линиясы – 110 кВ ҳәм оннан жоқары кернеўликтеги электр узатыў ҳаўа линиясының оқ сызығынан: 110 кВ кернеўли ҳаўа линиясы ушын – 100 метр; 220 кВ ҲЛ ушын – 150 метр; 500 кВ ҲЛ ушын – 200 метр аралықта, улыўма узынлығы 2 километрден кем болмаған ямаса улыўма узынлығы бойынша өтетуғын ҲЛ ҳәм байланыс ҲЛ тәсири әтрапындағы тармақлар киреди.