Шөлкемлестириў илажлары

§2. Жумыс орынлаў.
27. Ҳәрекеттеги электр үскенелеринде жумыс ислеў ҳәрекеттеги қагыйданың №3-қосымша-сында келтирилген наряд формасында алып барылыўы тийис.
Ҳәрекеттеги қағыйдада көзде тутылған жағдайларда жумыс бийлик бойынша орынла-нады.
28. Өз бетинше жумыс ислеў, нарядта ямаса бийликте белгиленген жумыс тапсырмасының көлемин ҳәмде жумысты кеңейтип ислеў қадаған етиледи.
29. Электр үскенелериндеги барлық жумысларды орынлаў, басқада ҳәрекет зонасындағы наряд бойынша жумыс алып барыў исшиси (жумыс басшысы) яки наряд бериўши тәрепи-нен келисилиўи керек.
Келисим жумыс орнын таярламастан алдын наряд қатарына жазылып (ҳәрекеттеги қағыйданың №3 қосымшасында көрсетилген нарядтың 2-кестесине) рәсмийлестириледи, «Келисемен» деп қол қойылады.
30. 1000 В жоқары электр үскенелериндеги, сондай-ақ кернеўлигинен қаттый нәзер ҳаўа линияларындағы ири оңлаў жумыслары технологиялық карта ямаса жумыс алып барыў жойбары (ППР) бойынша әмелге асырылыўы тийис.
31. Электр станция, жәрдемши станция, 1000 В дейинги электр үскенелеринде ҳәм кабель линияларында жумыс ислегенде:
тосаттан тийип кетиў мүмкиншилигиниң алдын алыў ушын жумыс орнына жақын жайласқан кернеўлик астындағы басқада ток өткериўши бөлекшелерди қоршалаў;
жумысты диэлектрик галошларда ямаса изоляцияланған түбилдириклерде (подставка-ларда) яғный резиналы диэлектрик гилемшелерде алып барылыўы керек;
изоляциялаўшы саплы инструмнтлерден пайдаланыў (отверткада буннан басқада стер-жень изоляцияланған болыўы тийис), бундай инструментлер жоқ жағдайларда диэлек-трик қолғаплардан пайдаланыў тийис;
қысқа ямаса жеңи қайырылған кийимлерде жумыс ислеў, сондай-ақ пышқы, егеў ҳәм металл сызғыш метрлерден пайдаланыў қадаған етиледи.
32. Электр үскенелеринде ийилген жағдайда жумыс ислеў, егерде қәддин тиклегенде ток өткизиўши бөлекшелерге ҳәрекеттеги қағыйданың №2 қосымшасында көрсетилген аралықтан аз болса қадаған етиледи. 6-10 кВ жәрдемши станция ҳәм электр станция үскенелеринде, қоршалмаған ток өткизиўши бөлекшелер жайында жумыс ислегенде, сол бөлекшелердиң арқа тәрепинде яки еки тәрепте жайласыўы қадаған етиледи.
33. Кернеўлик астындағы үскене изоляцияларына электр қорғаў қуралларын пайдаланбай жақынласыў қадаған етиледи.
34. Электрли байланысқан ҳаўа линиясын ҳәм байланыс ҳаўа линиясын қосыў яки үзиўден алдын бул бөлим потенциялын теңлестириў зәрүр. Потенциялларды теңлестириў бул бө-лим өткизгишлерин жалғаў арқалы ямаса үзилген тәрептиң еки жағына жерге жалғағыш
қойып оларды туйықлаўшы қурылмаға жалғаў арқалы әмелге асырылады.
35. Электр қорғаў қурылмаларынан пайдаланып жумыс ислегенде (изоляциялаўшы штанга, клещлер, электр өлшеў штангалар ҳәм клещлер, кернеўлик көрсетиўшилер) ток өткериў-ши бөлекшелерге адамның жақынласыўы, бул қураллардың изоляциялаўшы бөлекше узынлығы аралығына мас аралыққа дейин рухсат етиледи.
36. Ашық бөлистириў қурылмалары кесилиспе аралығында ҳәм ҳаўа линияларда сымларды алмастырыў ҳәм оларға тийисли арматура ҳәм изоляторларды алмастырғанда, кернеўлик астындағы сымнан төмен жайласқан, жоқары жайласқан сымлардың силкип жибериўи-ниң алдын алыў мақсетинде өсимликтен яки синтетик жиптен таярланған арқан тасланыўы тийис. Арқанды кесилиспениң еки тәрепинен таслап ушларын якорьге яки конструкцияға байлаў керек. Сымларды көтериў әсте ҳәм бир тегис әмелге асырылыўы тийис.
37. Кернеўлик астындағы трос, сымлардан жоқарыда жайласқан, сым (трос) ҳәм оларға тийисли арматура ҳәм изоляторларда жумыс жумыс алып барыў жойбары бойынша алып барылыўы тийис. Жумыс алып барыў жойбары кәрхана баслықлары тәрепинен тастыйық-ланыўы тийис. Жумыс алып барыў жойбарында сымлардың түсип кетиўиниң алды алынған илажлар ҳәм кернеўликтиң наводкасынан корғаў көзде тутылған болыўы керек.
Сымларды (тросты) алмастырыў кесилискен сымлардан кернеўликти алмай ислеў қада-ған етиледи.
38. Электр үскенеден кернеўлик жоғалғаннан соң ескертиўсиз қайтадан берилиўин исшилер билиўи тийс.
39. Күнниң түнги ўақлары жумыс орны, жумыс бөлими, оларға барыў жоллары жақтыланды-рылыўы тийис. Жақтыландырыў бир тегис, жақтыландырыў қурылмаларының ҳәрекети ислеўшилер көзин қамастырмаўы, жақтыландырылмаған жерде жумыс алып барыў қадаған етиледи.
40. Гүлдирмама жақынласқанда ҳаўа линияларында, байланыс ҳаўа линияларында, ашық бө-листириў үскенелеринде, жабық бөлистириў үскенелеринде жумыс тоқтатылыўы тийис.
41. Ҳәрекеттеги электр станция ҳәм жәрдемши станция жайы ишинде (шит басқармасы, реле ҳәм басқада шитлерден басқа) ашық бөлистириў үскенелеринде, жабық бөлистириў үскенелеринде, қудықларда, түнеллерде, траншеяда сондай-ақ ҳаўа линиясын ири оңлаў ҳәм хызмет көрсетиўге қатнасыўшы ҳәмме исшилер қорғаў каскаларынан пайдаланыўға миннетли.
42. Компрессор үскенелерине ҳәм ҳаўа жыйнаўшы үскенеге, аккумулятор батериясына ҳәм зарядлаў үскенесине хызмет көрсетиўши исшилер III-топарға ийе болыўы тийис.
43. Кәрхана яки басқа шөлкем исшилери болған ислеўшилерге нәўбетшиниң қадағалаўында бөлистириў үскенелеринде ҳәм басқарыў шитлерине орнатылған есаплағышлар ҳәм өлшеў әсбапларының көрсетпесин алыўға рухсат етиледи.
Жергиликли нәўбетши исшиси жоқ жағдайларда көрсетпе жазыўлары тез-ара шығыў бригадасы басшы исшилери бақлаўында өткерилиўи мүмкин.
44. Жер қазыў жумысларында «Қурылыстағы қәўипсизлик техникасы» КМК талаплары сақланыўы зәрүр.