Шөлкемлестириў илажлары

§3. Қыстаўлы ҳәм тез исленетуғын жумыслар.
66. Даўам етиўи бир сааттан көп болмаған қысқа ўақытлы жумысларды бийлик бойынша орынлаў нәўбетши ямаса тез-ара оңлаў исшиси бақлаўы астында оңлаўшы исшилерге яки болмаса нәўбетши ямаса тез-ара оңлаў исшисиниң өзине рухсат етиледи.
Көрсетилген жумыслар төмендеги жумыслар жатады:
Кабель, сымларды ажыратыў ҳәм жалғаў;
Бөлистириў тармақлары ишиндеги релели қорғаў, автоматика ҳәм байланыс жалғам-ларында жумыс ислеў;
0,4 кВ ҳаўа линияларын ажыратыў ҳәм жалғаў, ҳәмде ҳәмме кернеўликтеги кабель линияларын ажыратыў, жалғаў, фазаларды айырыў, кабель жалғамының пүтинлигин тексериў, трансформатордан шығыў шақапларын қосыў, ажыратыў, изоляторды тазалаў, сыпырыў, май өлшеў шийшелерин сыпырыў, май қуйыў ҳәм үлги алыў, майды тазалаў ҳәм қурғатыў үскенелерин жалғаў ҳәм ажыратыў, ҳаўалы өширгиштиң манометрин алмастырыў, ток өткериўши бөлекшелердиң қызыўы ҳәм қалтыраўын тексериў, электр өлшеў клещлери менен өлшеў, сым ҳәм шиналарға қулаған терек шақаларын ҳәм басқада затларды сымнан алып таслаў.
Электр үскенелердиң нормаль ислеўине қәўип туўдыратуғын, бузылысларды саплас-тырыў бойынша кешиктирип болмайтуғын жумыслар.
67. 66-бәндтеги көрсетилген жумысларды әмелге асырғанда ислеўшилердиң саны, бақлаўшы исшини қоса есаплағанда 3 адамнан аспаўы тийис.
Жумысты орынлаўшы нәўбетши ямаса тез-ара оңлаў исшисиниң ямаса қадағалаў жүр-гизиўши ислеўшилердиң басшысының электр үскенелеринде жумыс ислегенде 1000 В жоқары электр үскенелерде IV-топарға, 1000 В төмен электр үскенелерде III-топарға ийе болыўы тийис. Қалған бригада ағзалары III-топар болыўы тийис. Тутыныўшы жалғанған жалғамларда жумыс ислегенде тутыныўшы исшилери қатнастырылыўы мүмкин.
Жумыс басламастан алдын жумыс орнын таярлаў бойынша техникалық илажлар толық орынланыўы тийис. Бул жағдайларда ашық бөлистириў үскенелерин арқан яки шнур менен қоршалаў шәрт емес.
66-бәндте көрсетилген жумысларды әмелге асырыў бир сааттан артық ўақытты талап ететуғын болса ямаса үш адамнан аслам адамды талап етсе наряд бойынша ислениўи тийис.