Шөлкемлестириў илажлары

§7. Жумыс бабында бақлаў.
84. Иске қосылғаннан соң, бригада тәрепинен қәўипсизлик талапларының орынланыўын бақлаў жумыс алып барыўшыға (бақлаўшыға) жүкленеди, ол өз жумысын сондай шөл-кемлестириў керек: бригада ағзалары үстинен бақлаў алып барыў, мүмкиншилигине қарай, қәўипли жумыс орынланып атырған бөлимде болыўы тийис.
Бақлаўшыға бақлаўдан басқа қандай-да бир жумысларды алып барыў қадаған етиледи.
85. Жумыс алып барыўшының (бақлаўшының) жумыс орнынан, зәрүрли жағдайларда қысқа ўақытқа кеткенинде, егерде оны жумыс басшысы, иске қосыўшы, наряд бериўге рухсаты бар исши алмастыра алмаса, бригаданы жумыс орнынан шығарыўы керек (бөлистириў үскенелеринен шығарыў, шығыў есиклерин жабыў, қулыплаў, ҳаўа линиясы бағанасынан адамларды түсириўи тийис).
Жумыс алып барыўшы алмастырылғанда, өзиниң иске қатнаспаўы ўақтында, нарядты оны алмастырыўшы исшиге бериўи тийис.
1000 В дейинги электр үскенелеринде бийлик бойынша жумыс ислегенде жумыс алып барыўшының жумыс орнында қысқа ўақытқа кетиўине рухсат етиледи. Бул жағдайда жумыс орнында қалыўға ҳәм жумысты даўам еттиретуғын бир ямаса бир неше III-топарға ийе бригада ағзасы болыўы керек.
86. Жумыс алып барыўшының рухсаты менен жумыс орнынан бир яки бир неше бригада ағзаларының қысқа ўақытқа кетиўине рухсат етиледи. Бундай жағдайда оларды бригада қурамынан шығарыў талап етилмейди. 1000 В жоқары электр үскенелеринде жумыс орнында қалған бригада ағзаларының саны жумыс алып барыўшыны қосқанда еки адамнан кем болмаўы керек.
III-топарға ийе бригада ағзалары, бөлистириў үскенелеринен шығыў ҳәм өз бетинше қайта оралыўы мүмкин, I ҳәм II-топарға ийе бригада ағзалары III-топарға ийе ямаса электр үскенелерин өз бетинше көрик өткериўге ҳуқықы бар исшилер жетегинде кириў ҳәм шығыў ҳуқықына ийе. Бөлистириў үскенесинен шыққаннан соң есикти жаўып, қулпырмай кетиў қадаған етиледи.
Жумыс орнына қайта оралған бригада ағзалары жумысқа тек жумыс алып барыўшының рухсатнамасы менен араласыўы мүмкин. Олар келмегенше жумыс алып барыўшының жумыс орнын таслап кетиўине ҳуқықы жоқ, егерде электр үскене турған жайды қулыплаў мүмкиншилиги болмағанда.
87. Ҳәрекеттеги қағыйда талапларының бузылыўы анықланғанда ямаса ислеўши бригада қәўипсизлиги қәўип астында болған жағдайларда ислеўшилер жумыс орнынан шетле-тиледи. Ҳәм жумыс алып барыўшыдан наряд алып қойылады. Анықланған кемшиликлер толық сапластырылғаннан соң, биринши иске қосыў талаплары сақланған ҳалда бригада қайта иске жибериледи.