Шөлкемлестириў илажлары

IV. Бийлик бойынша жумыс орынлаў.
117. Бийлик бойынша ток өткериўши бөлекшелерде кернеўликти алыў ҳәм ўақытша қор-
шаўлар қойыў талап етилмейтуғын жумыслар орынланыўы мүмкин.
118. 1000 В жоқары электр үскенелеринде бийлик бойынша төмендеги жумысларды орынлаўга рухсат етиледи:
кабели ажыратылған, ушлары қысқа жерге жалғанған ҳәм жерге жалғанған электр двигателлерде;
шығыўларынан шин ҳәм кабеллери жаздырылған генераторларда;
тележкалары шығарылған комплекс бөлистириў үскенеси (КБҮ), шторка жайы қулып пенен қулпырылған бөлистириў үскенелеринде.
119. Шина жыйнағына кернеўлик берилиўи мүмкин болған, бөлистириў шити ҳәм жалғам-лары, бөлистириў үскенеси шина жыйнағындағы жумыслардан басқа, 1000 В дейинги электр үскенелеринде бийлик бойынша жумыс ислеўге рухсат етиледи.
120. Адамның электр тоги менен жарақатланыў қәўпи бар, жоқары қәўип жоқ жайда жайлас-қан 1000 В дейинги электр үскенелеринде жумыс алып барыўшы болыўы ҳуқықы бар III-топарға ийе исши өз бетинше жумыс ислеўге ҳуқықлы.
121. Өлшеў әсбапларында, екилемши шынжырларда, релели қорғаў үскенелеринде, автоматика, телемеханика ҳәм байланыста оңлаў, монтаж ҳәм эксплуатация жумыс-ларын ислегенде коммутация аппаратларының агрегат шкафлары ҳәм приводларында исленетуғын жумысларды қоса есаплағанда, олардың кернеўлик астындама ямаса кер-
неўлик жоқпа, оннан қаттый нәзер рухсат етиледи:
бийлик бойынша жумысты орынлаў, ол наряд пенен орынланғанда жумыс басшысы белгиленбейди;
IV-топарға ийе жумыс алып барыўшыға жеке тәртипте ислеўге, сол жағдайларда рух-
сат етиледи;
бул шынжырлар ҳәм қурылмалар жайдың ишинде жайластырылған болса;
1000 В жоқары ток өткериўши бөлекшелер жоқ болса, толық қоршалғанда ямаса бул үскенелер жоқарыда жайласқан болып қоршалаў талап етилмесе;
жоқарыда көрсетилген үскенелерге хызмет көрсетиўши IV-топарға ийе исшилерден болған жумыс алып барыўшыға иске қосыўшы ўазыйпасын бириктириўге рухсат етиледи. Бундай ўазыйпаны бириктириў төмендеги жағдайларда рухсат етиледи: 1000 В жоқары шынжырларда жумыс орнын таярлаўда ўақытша қоршаўлар орнатыў, жерге жалғаў ҳәм өшириўлер талап етилмесе;
жумыс алып барыўшыға жоқарыда көрсетилген қурылмаларды өшириў ҳәм қосыў, өширгишлерди өшириў ҳәм қосыўға арналған автомтика ҳәм қорғаў қуралларын қосып көриў тек жумыс орнын таярлаўға ҳәм иске қосыўға рухсатнама бериўши исши рухсатнамасы арқалы әмелге асырылады.
122. Электостанция ҳәм жәрдемши станция электр үскенелеринде III-топарға ийе бир исши-ге бийлик бойынша төмендеги жумыслар рухсат етиледи:
ашық бөлистириў үскене аймақларын абаданластырыў, шөплерин шабыў, жол ҳәм өткиллерды қарлардан тазалаў;
бөлистириў үскенеси камерасынан сыртында 2,5 метр бәлентликте жайласқан сымлы радио ҳәм телефон байланыс қурылмаларына хызмет көрсетиў ҳәм оңлаў;
бөлистириў үскенеси камерасы сыртындағы қоршаўларға ҳәм үскене қапыларына жазыўларды қайта тиклеў;
трансформатор, генераторларды ҳәм басқада үскенелерди кептириўди қадағалаў;
майды кептириў ҳәм тазалаўда, басқада қосымша аппаратураларына хызмет көрсетиў;
компрессорлар, трансформаторлардың май насосларында, вентилятордың механика-лық бөлеклеринде ҳәм электродвигателлерде жумыс ислеў;
ҳаўа тазалаў фильтрлерин тексергенде ҳәм олардағы сорбентлерди алмастырғанда.
123. Бөлистиў үскенеси сыртындағы 2,5 метрден артық болмаған бийикликтеги лампаларды алмастырыў ҳәм светильниклерди тазалаў бийлик бойынша II-топарға ийе бир исши орынлайды.
Бөлистириў үскенеси ишиндеги, камера сыртындағы 2,5 метрге шекемги бийикликте жайласқан жақтыландырыў аппаратураларына оңлаў ҳәм хызмет көрсетиўди бийлик бойынша жеке тәртипте III-топарға ийе исши орынлайды.
124. Ток өткериўши бөлекшелерди қоршаланған 1000 В жоқары электр үскенеси жайларын тазалаў, сондай-ақ басқарыў щити жайларын тазалаўды бийлик бойынша II-топарға ийе бир исши орынлаўы мүмкин.
Ашық бөлистириў үскенесинде тазалаўды бийлик бойынша жеке III-топарға ийе әмелге асырыўы мүмкин.