Шодиев акбар ашурович бухгалтерия ҳисобининг хусусиятлари

инмалар,шўъба ва қарам хўжалик жамиятларидан олинадиган тўловларни ҳисобга олиш.
Алоҳида балансга ажратилган бўлинмалар деб- корхонанинг филиаллари, ваколатхоналари ва бошқа бўлинмаларига айтилади. Ушбу бўлинмаларга етказиб берилган моддий бойликлар кўрсатилган иш ва хизматлар бўйича қарзларнинг мавжудлиги қуйидаги ҳисобварақларда акс эттирилади:
4110-«Алоҳида бўлинмалардан олинадиган ҳисобварақлар»
4120-«Шўъба ва қарам хўжалик жамиятларидан олинадиган ҳисобварақлар.
Юқорида қайд этилган ҳисобварақларда ажратилган мулк ва бошқа муомалалар бўйича ҳисоблашишлар умумлаштирилади.
4110-«Алоҳида бўлинмалардан олинадиган ҳисобварақлар» ҳисобварағининг дебетида 0110-0190-«Асосий воситалар», 0410-0490-«Номоддий активлар», 0710-0720-«Ўрнатилган асбоб- ускуналар ,1010-1090-«Материаллар» ва бошқа активларни ҳисобга олувчи ҳисобварақларнинг кредити билан корреспонденцияланган ҳолдаги суммалар акс эттирилади.
4110-«Алоҳида бўлинмалардан олинадиган ҳисобварақлар» ҳисобварағиниг кредитида дебиторлик қарзини сўндириш мақсадида бўлинмалардан келиб тушган моддий бойликлар, уларни ҳисобга олувчи ҳисобварақларнинг дебети билан корреспонденцияланган ёзувлар акс эттирилади.
4120-«Шўъба ва қарам хўжалик жамиятларидан олинадиган ҳисобварақлар» ҳисобварағининг дебетида шўъба ва қарам хўжалик жамиятларига ажратилган мулк ва бошқа муомалалар бўйича тегишли ҳисобварақларнинг кредити билан корреспонденцияланган ҳолдаги ёзувлар акс эттирилади.
4120-«Шўъба ва қарам хўжалик жамиятларидан олинадиган ҳисобварақлар» ҳисобварағининг кредитида дебиторлик қарзларини сўндириш учун шўъба ва қарам хўжалик жамиятларидан олинган мулклар, уларни ҳисобга олувчи ҳисобварақларнинг дебети билан корреспонденцияланган ёзувлар акс эттирилади.
4110-«Алоҳида балансга ажратилган бўлинмалардан олинадиган тўловлар», 4120 - «Шўъба ва қарам хўжалик жамиятларидан олинадиган ҳисобварақлар» ҳисобварақлари бўйича аналитик ҳисоб ҳар бир бўлинма, шўъба ва қарам хўжаликлар бўйича юритилади.
Мисол. Дебиторлик қарзини сўндириш учун корхона бўлинмаларидан кассага нақд пулнинг келиб тушиши. Ушбу хўжалик муомаласига қуйидагича бухгалтерия ўтказмаси тузилади:

Д-т 5010-«Миллий валютадаги пул маблағлари» ҳисобварағи

К-т 4110-«Алоҳида балансга ажратилган бўлинмалардан олинадиган тўловлар» ҳисобварағи