Шартнома эркинлигининг бузилиши

ХХРнинг “Қишлоқ хўжалиги тўғрисида”ги Қонуни 10-моддасида фермерлар ихтиёрий равишда турли хил ихтисослашган кооператив ташкилотларга аъзо бўлиш мумкинлиги кўзда тутилган. Мазкур Қонуннинг 74-моддасига мувофиқ, фермерларга ёки қишлоқ хўжалиги ишлаб чиқариш ва эксплуатация ташкилотларига ишлаб чиқариш, технология, ахборот, маданият, суғурта ва бошқалар бўйича хизматлар кўрсатувчи ҳар қандай бирлик ёки шахс ихтиёрийлик принципига риоя қилиши керак ва фермерларни ёки қишлоқ хўжалиги ишлаб чиқариш ва эксплуатация ташкилотларини бундай хизматларни қабул қилишга мажбурлашига йўл қўйилмайди.

• 
  Фермерларни қўллаб-қувватлаш. “Фермер хўжалиги тўғрисида”ги Қонуннинг 29-моддасида фермер хўжаликларини давлат йўли билан ва бошқа тарзда қўллаб-қувватлаш шакллари келтирилган бўлиб, уларнинг мазмуни замонавий фермер хўжаликларини ташкил этишга қаратилмаган.
  

Хусусан, ривожланган дунё мамлакатларида ёш фермерларни қўллаб-қувватлашга қаратилган лойиҳалар амалга оширилиб келинмоқда. Масалан, Литвада Қайта қуриш ва ривожланиш дастури (The Reconstruction and Development Programme) томонидан ёш фермерларни қўллаб-қувватлаш лойиҳаси амалга оширилиб келинмоқда.
Маълумот учун: Европа Комиссиясининг Қишлоқ хўжалиги ва қишлоқларни ривожлантириш бўйича Бош дирекциясининг Осиё-Австралия бўлими директори Антония Моренонинг таъкидлашича, ҳозирги вақтда глобал қишлоқ хўжалиги аҳолининг қариши муаммосига дуч келмоқда, ёш фермерлар эса қишлоқ хўжалигини тиклашнинг калитидир, улар сиёсатчилар билан мулоқот қилишлари, сиёсатни қўллаб-қувватлашлари, қишлоқ хўжалигининг рақобатбардошлиги ва барқарор ривожланишини таъминлашлари керак.
Канадада фермерларни молиявий қўллаб-қувватлашга қаратилган кўплаб имкониятлар яратилган. Хусусан, Илмий тадқиқотлар ва эксприментал ривожланиш (The Scientific Research and Experimental Development) дастури тегишли илмий-тадқиқот ишлари бўйича харажатлар учун солиқ имтиёзлари ва сарф қилинган маблағларни қайтаришни таъминлайди.