Шартнома эркинлигининг бузилиши

Германияда маҳсулот нарҳида умумий сарф ҳаражатлар улуши
7 фоизга тенг бўлган ҳолда, Ўзбекистонда бу кўрсаткич 20 фоизга етади.
Кузатишларга кўра, фермер хўжаликларига ёқилғи, минерал ўғитлар ва кимёвий ҳимоя воситалари етказиб бериш жараёнидаги ноқонуний ҳатти-ҳаракатлар бундай ҳаражатларнинг асоссиз даражада юқорилиги сабабларидан бири бўлиб қолмоқда. Яъни, етказиб берилган деб расмийлаштирилган ресурсларнинг 20-30 фоизгача бўлган миқдори аслида фермерларга етиб бормайди, лекин бу сарф-ҳаражатларни қоплаш бевосита фермерлар зиммасига тушмоқда.

• 
  Инвестиция муносабатларини ҳуқуқий тартибга солиш. Соҳага инвестициялар жалб қилиш талаб даражасида эмаслиги сабабли қишлоқ хўжалигига давлат сарф-ҳаражатлари юқори бўлиб қолмоқда. Соҳага давлат томонидан сарфланаётган харажатларнинг ялпи ички маҳсулотдаги улуши 1,68 фоизни ташкил этиб, бу кўрсаткич Иқтисодий ҳамкорлик ва тараққиёт ташкилотига (ИҲТТ) кирмайдиган ўртача даражадаги даромадли давлатларга нисбатан қарийб уч баравар ва ИҲТТга аъзо мамлакатларга нисбатан ўн баравар кўп бўлиб қолмоқда.
  

Фермер хўжаликлари томонидан инвестицияларни жалб қилишга қаратилган давлат дастурлари мавжуд эмас.
Хорижий давлатлар, жумладан, Японияда 2002 йил 29 майда “Қишлоқ хўжалиги корпорацияларига инвестицияларни жалб қилишни соддалаштириш бўйича махсус чора-тадбирлар тўғрисида”ги 52-сонли қонун қабул қилинган бўлиб, ушбу Қонуннинг мақсади қишлоқ хўжалиги корпорацияларига инвестицияларни жалб қилиш учун махсус чоралар кўриш орқали қишлоқ хўжалиги корпорацияларининг ўз капиталини кўпайтиришга, уларнинг барқарор ўсишига ва ривожланишига имкон беришга кўмаклашиш ва шу билан қишлоқ хўжалигининг барқарор ривожланишига ҳисса қўшишдан иборат эканлиги белгиланган.
Мазкур Қонунга кўра, акциядорлик жамияти ўз бизнесига инвестицияларни жалб қилиш бўйича режа тайёрлаб, уни Қишлоқ, ўрмон ва балиқ хўжалиги вазирига тасдиқлаш учун тақдим этиши лозим. Режа маъқуллангандан сўнг инвестиция маблағлари тўғридан-тўғри жалб қилинади.
Канадада қишлоқ хўжалигигаинвестицияларни кириб келишини рағбатлантириш мақсадида янги сотиб олинган ишлаб чиқариш ва қайта ишлаш ускуналари учун 100% солиқлардан озод қилишни ўз ичига олган федерал солиқ имтиёзлари жорий этилган.

•