Ш. А. Сайдуллаев

Назорат учун саволлар


1. Давлат функциялари тараққиётнинг у ёки бу босқичида жамият олдида турган асосий вазифаларга қараб белгиланади ва бу вазифаларни рўёбга чиқаришнинг воситаси сифатида намоён бўлади. Давлат вазифаларининг мазмуни эса турли хил ички ва ташқи омиллардан келиб чиққан ҳолда белгиланади. Масалан, мамлакат иқтисодий ҳаётидаги танглик ҳодисалари давлатнинг, унинг барча органларининг куч-ғайратини иқтисодий вазифаларни ҳал қилишга жалб этишни талаб қилади. Давлат ўз функцияларини амалга оширишда муайян шакл ва усуллардан фойдаланади. Давлат функцияларини амалга ошириш шаклларининг ҳуқуқий ва ҳуқуқий характерга эга бўлмаган турлари мавжуд.
Давлат функцияларини амалга ошириш шаклларига ҳуқуқий баҳо беринг ва атрофлича ёритинг.


2. Замонавий давлатнинг ахборот технологиясини яратиш ва ундан фойдаланиш, экология, хом ашё соҳаларидаги, инсон ҳуқуқ ва эркинликларини ҳимоя қилиш борасидаги ҳамда бутун тараққиётга дахлдор бўлган бошқа глобал соҳалардаги фаолиятини тасдиқловчи глобал функцияларни ажратиш алоҳида аҳамият касб этмоқда. Ҳозир давлатнинг муайян вазифаларини марказдан жойларга бериш тўғрисидаги масалани ҳал этиш алоҳида муаммо бўлиб, унинг бир неча жиҳатлари мавжуд. Давлат функцияларининг ривожланиш тенденциялари ушбу вазифалар ҳам давлатнинг моҳияти ва расмий тавсифининг таъсири остидаги, ҳам ўзгариб бораётган ташқи муҳит таъсири остидаги ривожланиши ва ўзгаришини ўз ичига олади. Шу жиҳатдан олганда давлат функциялари доимо ривожланишда бўлиб, унга ички ва ташқи омиллар ўз таъсирини ўтказади.
Масалани атрофлича муҳокама қилинг.

1 Нажимов М.К. Давлат функциялари. –Т.: ТДЮУ, 2018.–Б.28.